Birgina aktyor bir nechta qahramonni o‘ynagan, lekin buni ko‘pchilik payqamagan filmlar

Qanchalik e’tiborli va ziyrak ekanligingizni tekshirib ko‘rishingiz mumkin.

“Doktor Strenjlav yoki qanday qilib qayg‘urishni to‘xtatib, atom bombasini sevishni o‘rganganim haqida”

Buyuk Britaniya, AQSH, 1963-yil.

Komediya, triller.

Davomiyligi: 95 daqiqa.

IMDb: 8.4.

Amerika havo bazasi qo‘mondoni aqldan ozadi va SSSRga hujum qilish uchun yadroviy qurolga ega samolyotlarni yuboradi. Prezident urush boshlanishining oldini olish yo‘lini topish uchun harbiy ekspertlarni to‘playdi. Maslahatchilardan biri avval Gitler qo‘l ostida ishlagan doktor Strenjlav.

“Doktor Strenjlav” filmi nafaqat Stenli Kubrikning komedik iste’dodini, balki Piter Sellersning aktyorlik mahoratini ham namoyish etdi. U uchta qahramonni, shu jumladan, asosiy rolni ham o‘ynaydi.

“Amerikaga sayohat”

AQSH, 1988-yil.

Komediya, drama.

Davomiyligi: 117 daqiqa.

IMDb: 7.1.

Afrikalik valiahd shahzoda o‘ziga rafiqa qidirib AQSHga keladi. U o‘zini kambag‘al odam qilib ko‘rsatadi, shunda bo‘lajak rafiqasi uning boyligiga uchmaydi, deb hisoblaydi.

“Amerikaga sayohat” filmida Eddi Merfi va Arsenio Xoll to‘rttadan rol o‘ynagan. Ularning deyarli barchasi bir xil ko‘rinishga ega edi, lekin Merfi qahramonlaridan biri boshqalardan butunlay farq qilardi: oq tanli yahudiyni qora tanli aktyor o‘ynaganini ko‘pchilik bilmaydi.

“Ostin Pauers: Meni maftun qilgan josus”

AQSH, 1999-yil.

Komediya, fantaziya.

Davomiyligi: 95 daqiqa.

IMDb: 6.6.

Ostin Pauers dunyoni ayyor Doktor Zolimdan qutqarishga majbur bo‘ladi. Ayg‘oqchiga nafaqat yordamchisi, balki superagent uchun ishlaydigan olimlarning ilg‘or ixtirolari ham yordam beradi.

Mayk Mayers “Ostin Pauers”ning har bir qismida bir nechta qahramonlarni o‘ynagan.

“Fantomas”

Fransiya, Italiya, 1964-yil.

Komediya, harakat.

Davomiyligi: 104 daqiqa.

IMDb: 6.9.

Komissar Jyuv har safar tashqi qiyofasini o‘zgartiradigan sirli jinoyatchi Fantomasni qo‘lga olishga harakat qiladi. Oddiy parijliklar banditning hujumlaridan charchagan detektivga yordam berishga tayyor. Fantomas tomonidan o‘g‘irlab ketilgan jurnalist Fandorning sevgilisi Ellen Jyuvning asosiy yordamchisiga aylanadi.

Jan Mare filmda bir nechta rollarni o‘ynaydi, jumladan Fantomasni ham.

“Drakula”

Buyuk Britaniya, AQSH, 1992-yil.

Qo‘rqinchli melodrama.

Davomiyligi: 128 daqiqa.

IMDb: 7.4.

Jonatan Xarper Transilvaniyaga xizmat safari bilan boradi. Buyuk Britaniyada ko‘chmas mulk sotib olmoqchi bo‘lgan graf Drakula yosh agentni o‘zining antikvarlari bilan aqldan ozdiradi. Ammo haqiqiy dahshat vampir Londonga kelganidan keyin boshlanadi.

Frensis Ford Koppolaning “Drakula” filmida Gari Oldman, Kianu Rivz, Monika Belluchchi va Tom Ueyts kabi yulduzlar jamoasi birga ishlagan. Vaynona Rayder va Entoni Xopkins esa har biri ikkita rol o‘ynagan. Shunisi e’tiborga loyiqki, Xopkins yovuz ruhlarga qarshi kurashuvchi Van Xelsing rolini ham, ruhoniyni ham o‘ynaydi.