Comfort movies — (ingliz tilidan so‘zma-so‘z tarjimasi “qulay filmlar”) o‘zimizni yaxshi his qilish va ko‘ngilni ko‘tarish uchun qayta-qayta tomosha qiladigan filmlardir. Albatta, bunday filmlarni tanlash har kim uchun har xil bo‘ladi, lekin turli xil filmlar orasida hamma uchun “qulay” bo‘lishi mumkin bo‘lgan filmlarni topish mumkin.
“Mening qo‘shnim Totoro” (1988)
Rejissor: Xayao Miyazaki
Xayao Miyazaki yoshi, kasbi va umuman animatsiyaga bo‘lgan muhabbat darajasidan qat’i nazar, hamma zavq bilan tomosha qiladigan hayratlanarli darajadagi multfilmlarni yaratishga muvaffaq bo‘ldi. Ikki qizcha va ularning yangi do‘sti, o‘rmon ruhi Totoroning sarguzashtlari haqidagi film bahaybat mushuk va quyon o‘rtasidagi munosabatga o‘xshaydi. Mazkur kartina nafaqat Yaponiyada, balki butun Amerika va Yevropada mashhur bo‘ladi.
“Garri Potter va hikmatlar toshi”
Rejissor: Kris Kolambus
Joan Rouling tomonidan o‘z farzandlari uchun yozilgan “omon qolgan bola” hikoyasi 21-asrning eng kult filmiga aylandi. Sakkizta filmning eng yengili va eng sehrlisi birinchi bo‘lib qoladi. Mazkur filmda Garri Potter birinchi marta sehrgarlik maktabiga keladi, do‘stlar orttiradi va sehrli dunyoda o‘zining birinchi sarguzashtlari bilan uchrashadi.
“Notting Xill” (1999)
Rejissor: Rojer Mishel
“Notting Xill” — taqdir taqozosi bilan Gollivud kino yulduzi kirib kelgan London tumanlaridan biridagi kitob do‘konining kamtarona egasi haqidagi ta’sirli film. Juliya Roberts va Xyu Grantning aktyorlik dueti filmni qayta ko‘rish uchun jiddiy dalildir.
“Addamslar oilasi” (1991)
G‘amgin va ekstravagant Addamslar oilasining hikoyasi hech qachon eskirmaydi. Ularni boshqalar tushunmaydi, aslida ularga bu kerak ham emas, chunki Gomes va Mortisha oilasida sevgi va o‘zaro tushunish bor. Bularning barchasi aktyorlarning ajoyib ijrosi va ssenariy mualliflarining ajoyib hazillari bilan birgalikda qayta-qayta ko‘rishga arziydigan kartinani yaratdi.
“Kichik xonim” (2006)
Rejissor: Jonatan Dayton, Valerie Faris
Natijadan ko‘ra jarayonning o‘zi muhim ekanligi haqida eng yaxshi film. Agar siz film qahramoni kabi to‘satdan “kichik xonim” bo‘lishga qaror qilsangiz va omadsiz ota, alamzada ona, o‘z joniga qasd qilish arafasida turgan amaki, va'daboz aka va giyohvand bobodan iborat butun oila yordam beradi, keyin faqat jarayondan zavqlanish qoladi xolos.
“Tengi yo‘q janob Foks” (2009)
Rejissor: Ues Anderson
Barcha yoshdagilar uchun ajoyib ertak. “Tengi yo‘q janob Foks” tovuqxonaga bostirib kirishdan o‘zini tiyolmaydigan, shu bilan birga xotiniga boshqa hech qachon o‘zini xavf ostiga qo‘ymaslikka va'da bergan ayyor tulki haqidagi film.
Izoh (0)