Фильм суратга олинаётганда хона деворидаги расмлардан тортиб поябзал боғичларига қадар ҳар бир детал фильм яратиш босқичида диққат билан кўриб чиқилади. Ёки ҳеч бўлмаганда шундай бўлиши керак. Аммо кўпчилик аҳамият бермаган камчилик ва хатоларҳам ўтиб кетиши мумкин.
“Форрест Гамп”
“Форрест Гамп”нинг илк кадрида бош қаҳрамонни ифлос ва эски кроссовкаларидан кескин фарқ қилувчи замонавий костюм кийганини кўрамиз. Аммо бу ажаблантирадиган ягона нарса эмас. Агар поябзалларга диққат билан қарасангиз, фильм рассомларининг кичик хатосини топишингиз мумкин — кроссовка боғичлари тоза, қолган жойлари эса лойга беланган.
“Бош қаҳрамон”
Райан Рейнолдс ўйнаган “Бош қаҳрамон” комедиясида ўзини бошқарадиган ўйинчига ошиқ бўлган видеоўйин қаҳрамонининг ҳаётини кузатамиз. Фильмнинг дастлабки саҳналарида ушбу персонаж ва унинг дунёсининг тартиблилигини кўрамиз.
Қаҳрамон нонушта қилаётган саҳнада унинг телевизори тепасида календарь осилган. Аммо календарда 4 рақами йўқ.
“Ниқоб”
Жим Керри рол ўйнаган “Ниқоб”да Мило ҳибсга олинганидан кейин Стенлига қочишга ёрдам берадиган саҳна бор. Камерани қўриқлаётган полиция ходими “Рен ва Стимпи шоуси” деб номланган мултфильмни томоша қилмоқда, фильмда Стимпи ҳам ҳибсга олинган.
“Чип ва Дейл”
Барча даврларнинг энг машҳур детектив бурундуқлари — Чип ва Дейл ҳикоясининг давомида 90 йилларнинг анимацион сериясидаги қаҳрамонларнинг ҳаётини кузатамиз.
Ушбу фильмда Чип ва Дейл оламидан ташқаридаги лойиҳаларга бир нечта ҳаволалар бор ва улардан бири “Гарри Поттер”даги Добби уй элфи ролини ўйнашни тўхтатгандан сўнг, мода саноатига йўл олган ва ҳозирда Gucci моделидир.
“Ўргимчак одам: Уйга йўл йўқ”
Том Ҳолланд иштирокидаги “Ўргимчак одам” фильмининг учинчи қисмида Мери Жейннинг тақинчоқ таққанини кўрамиз. Ушбу аксессуарни унга Питер “Ўргимчак одам: Уйдан узоқда” фильмида совға қилган. Мери Жейн уни ҳали ҳам тақиб юрибди, гарчи бу саҳнада у Питер Паркернинг кимлигини ҳам эслолмайди.
“Келажакка қайтиб – 2”
“Келажакка қайтиб” фильмининг 2-қисмида Марти нечанчи йилда яшаётганини билиш учун газетани кўраётган кадр бор. Сарлавҳалардан бири: “Вашингтон қиролича Диананинг ташрифига ҳозирлик кўрмоқда”, демак, 2015 йилга келиб қиролича Елизавета II аллақачон тахтни ўғли Чарльзга топшириши, малика Диана ва унинг турмуш ўртоғи ўртасида ҳеч қандай келишмовчилик бўлмаслиги башорат қилинган эди.
“Сеҳрланган малика”
Disneyнинг “Сеҳрланган малика” фильмида шаҳзода Эдуард Жизелни қидираётган саҳна бор. У эртакларга, оқ от минган шаҳзодаларга анчадан бери ишонмай қўйган аёлнинг эшигини тақиллатади. Бу аёл, аслида, 1995 йилда Disneyнинг худди шу номдаги мултфильмида Покахонтасга овоз берган актриса Жуди Кун эди.
“Порохли коктейл”
2021 йилда экранга чиқарилган “Порохли коктейл” фильмида онаси билан учрашиш имкониятини қидираётган Семни кўрамиз. Бош қаҳрамон қаҳвахонада бўлган саҳнада Фигҳт Cлуб деб номланган сендвич менюси мавжуд. Бу 1999 йилги фильмга аниқ ҳавола бўлиб, бу жанговар фильм режиссёрини илҳомлантирган.
“Базз Лайтер”
2022 йилда чиқарилган “Ўйинчоқлар тарихи” спин-оффида Базз Лайтернинг саргузаштларини томоша қиламиз. Бу 1995 йилда Pixar анимацион фильмидаги космик ўйинчоқ учун илҳом манбайи эди. Бир кадрда астронавт газаклар, сендвичлар ва сув сотадиган автоматдан нарса сотиб олади. Яқиндан қарасангиз, сув бренди Wаде деб аталиши аён бўлади. Бу Pixarънинг янги мултфильми — “Элементлар”га ҳавола бўлиб, унда бош қаҳрамон шундай номланади.
Изоҳ (0)