Bollivud yulduzi Sunil Shettining o‘g‘li Axan hind kinosida yangi marralarni zabt etmoqda

Sunil Shetti Bollivudda 1990-yilning boshlarida, 30 yoshligida debyut qilgan. U filmlarda jangovar qahramon sifatida mashhur bo‘lgan, keyinroq xarakterli rollarini o‘ynay boshlagan va hatto Janubiy Hindiston filmlarida ham suratga tushgan. Sunil Shetti kikboks bo‘yicha qora kamar sohibi, shu bilan birga, uning restorani va kiyim-kechak do‘konlari ham bor.

U hech qachon aktyorlikka e’tibor qaratmadi, yoshi o‘tishi bilan muxlislarni quvontiradigan qiziqarli rollarni tanlay boshladi. Hozirgi kunda Sunilning muxlislari quvonishiga katta sabab bor, chunki uning o‘g‘li Axan Shetti ham aktyor bo‘ldi.

Axan kinodagi karyerasini 2021-yilda “Toska” (Tadap) romantik filmi bilan boshlagan, bu esa unga Xalqaro Hindiston Kino Akademiyasining “Yil yulduzi debyuti” mukofotiga sazovor bo‘lishiga yordam berdi.

“Toska” — mashhur teluga jangari filmi “R X 100”ning remeyki hisoblanadi. Axan rolga tayyorgarlik ko‘rish uchun 11 kg vazn to‘plagan, u kuniga 12 marta ovqatlangan. Suratga olish ishlari ikki yarim yil davom etdi. Shettining partnyori yosh aktrisa Tara Sutariya edi, u avvalroq ikkita: “Yil talabasi 2” va “Men o‘laman” kinokartinalarda suratga tushgan.

Tanqid qilingan syujetga qaramay, Axan Shetti tahlilchilarda yaxshi taassurot qoldirdi va o‘z ijrosi uchun ko‘plab maqtovlarga sazovor bo‘ldi. Ba’zi muxlislar uning debyutini ta’sirli deb atadi. Axannning kamera qarshisida o‘zini erkin tutishi va ishonchi bu filmni muvaffaqiyatsizlikdan asrab qoldi.

Axan Shetti 1995-yilning 28-dekabrida Mumbayda aktyor Sunil Shetti va uning rafiqasi dizayner Monisha Kadri oilasida tug‘ilgan. Aktyorning onasi musulmon, uning o‘zi ham yarim musulmondir.

Axanning Atya ismli opasi bor, u ham aktrisa. Aktyorning opasi yaqinda turmushga chiqdi va aktrisalikni tark etishi mumkin. Axanda esa yanada mashhur bo‘lish imkoni bor. Uning birinchi filmi jangovar film edi, lekin u otasining izidan borib, karyerasini faqat jangovar qahramon sifatida qurishni istamaydi.

“6-sinfligimda aktyor bo‘lishga qaror qildim. Maktab paytida qo‘shimcha to‘garak sifatida dramatik san’atni tanladim va san’atning shu turini yoqtirib qoldim. Juda uyatchan va ehtiyotkor insonman, shuning uchun sahnaga chiqqanimda,  o‘zimda yashirgan hamma narsani o‘z qahramonlarim orqali sahnaga chiqarishimni angladim. Ko‘p spektakllarda rol  o‘ynab, aktyorlik kasbini chin yurakdan yoqtirib qoldim”, — deydi aktyor.

Axanda bu uchqunni prodyuser Sajid Nadiadvala payqadi va unga katta ekranda debyut qilishni taklif qildi. Premyeradan so‘ng Sajid Ohan bilan yana to‘rtta filmni birgalikda suratga olish uchun shartnoma imzoladi. Sunil Shetti tez orada yana ekranlarda ko‘rinish beradi. 

Axan Shetti haqida hech qanday shov-shuvli gap-so‘zlar tarqalmagan, aktyor o‘n yildan beri model Tanya Shroff bilan munosabatda.

Juftlik bir maktabda tahsil olgan va shundan keyin ajralmaslikka qaror qilgan. Axan va Tanya birinchi marta uch yil oldin, Armand Jeynning to‘yida birgalikda omma oldida ko'rinish bergan.

Yaqinda opasining to‘yida ishtirok etgan Axanning suratlari ijtimoiy tarmoqlarda tarqaldi. U opasiga ta’sirli tarzda baxt tilagan, uni ko‘rgan hind kinosining ko‘plab muxlislari ko‘z yosh to‘kkan. Sunil Shetti o‘z farzandlarini yaxshi ko‘radi va ular bilan faxrlanadi.