Turkiya prezidenti Rajab Toyyib Erdo‘g‘on mamlakatda 14-may kuni prezidentlik va parlament saylovlari o‘tkazilishini tasdiqladi. Bu haqda Haberturk xabar berdi.
“Xalq kerakli bo‘lgan narsani qiladi, deb ishonaman. 14-may, vaqti keldi”, — dedi Turkiya rahbari.
Qonunga ko‘ra, Turkiyada prezidentlik va parlament saylovlari 18-iyundan oldin o‘tkazilishi kerak. Yanvar oyida Erdo‘g‘on ularni bir oy oldin, 14-may kuni o‘tkazilishini ma’lum qildi.
19-fevral kuni Hurriyet gazetasi Erdo‘g‘on prezidentlik saylovlarining avvalgi sanasini saqlab qolishni rejalashtirayotgani haqida yozgandi.
Turkiyada tarixdagi eng yirik zilzila oqibatlari tufayli saylovlarni 18-iyunga ko‘chirish taklif qilingan. Adolat va taraqqiyot partiyasi Markaziy Ijroiya kengashi yig‘ilishi ishtirokchilari 14-may kuni saylov o‘tkazilsa, saylovchilar ro‘yxatini tuzishda muammolar yuzaga kelishi mumkinligi, chunki zilzila sodir bo‘lgan hududlarda oqibatlarini bartaraf etish ishlari davom etayotganini bildirgandi.
6-fevral kuni Turkiya tarixidagi eng dahshatli zilzila yuz berib, o‘nta viloyatni qamrab oldi. So‘nggi ma’lumotlarga ko‘ra, Turkiyada qurbonlar soni 45 ming kishidan oshgan.
Izoh (0)