A Seriya. “Yuventus” 6 ta gol urilgan Turin derbisida irodali g‘alabaga erishdi, “Roma” so‘nggi o‘rindagi jamoaga yutqazib qo‘ydi

Futbol bo‘yicha Italiya A Seriyasining 24-turidan o‘rin olgan ikki o‘yin 28-fevral, seshanba kuni o‘tkazildi.

“Yuventus” Turin derbisida “Torino”ga qarshi bahs olib bordi. Avvaliga mehmonlar o‘yin debyutida hisobda oldinga o‘tib oldi. Bunga maydon egalari ko‘p o‘tmay Xuan Kuadradoning goli bilan javob qaytardi.

Birinchi bo‘lim yakunida har ikki jamoa vakillari yana bir martadan darvozalarni ishg‘ol qildi: Antonio Sanabriya va Danilo kiritgan to‘plardan keyin hisob 2:2 ko‘rinishini oldi. 71-daqiqada Gleyson Bremer “keksa sinyora”ning uchinchi golini urgan bo‘lsa, 80-daqiqada Adriyen Rabyo yakuniy hisobni o‘rnatdi — 4:2.

Ketma-ket to‘rtinchi g‘alabasini qo‘lga kiritgan “Yuventus” ochkolarini 35 taga yetkazib, 7-o‘ringa ko‘tarilib oldi. “Torino” 31 ochko bilan 10-pog‘onada bormoqda.

“Roma” safarda “Kremoneze”ga qarshi o‘ynadi va 1:2 hisobidagi mag‘lubiyatni qabul qilib oldi. Joze Mourinyo jamoasi bu mag‘lubiyat sabab 5-o‘rinda qolib ketdi. Mavsumdagi ilk g‘alabasini qo‘lga kiritgan “Kremoneze” esa 19-pog‘onaga ko‘tarildi.

24-turdan keyin A Seriya musobaqa jadvali quyidagi ko‘rinishni oldi:

A Seriya

24-tur bahslari

28-fevral, seshanba

“Yuventus” – “Torino” 4:2

Gollar: 0:1 – 2 Karamo, 1:1 – 16 Kuadrado, 1:2 – 43 Sanabriya, 2:2 – 45 Danilo, 3:2 – 71 Bremer, 4:2 – 80 Rabyo.

“Yuventus”: Shensni, Aleks Sandro, Danilo, Bremer (Bonuchchi, 90), Kuadrado (De Shilyo, 68), Kostich, Di Mariya (Kyeza, 69), Rabyo, Fajoli, Barrenechea (Pogba, 69), Vlahovich (Kin, 86).

“Torino”: Milinkovich-Savich, Singo, Jiji (Graviyon, 84), Sxyurs, Buonjorno, Rodriges (Voyvoda, 74), Linetti (Richchi, 74), Miranchuk, Ilich, Sanabriya, Karamo (Radonich, 60; Sek, 74).

Ogohlantirishlar: Rodriges (60), Richchi (90).

“Kremoneze” – “Roma” 2:1

Gollar: 1:0 – 17 Tsaju, 1:1 – 71 Spinatssola, 2:1 – 83, penalti Chiofani.

“Kremoneze”: Karnezekki, Sernikola (Gilyone, 84), Byanketti, Ferrari (Kirikesh, 84), Vaskes, Valeri, Benassi, Pikel (Galdames, 78), Okereke, Tsaju (Chiofani, 78), Afena-Gyan (Meyte, 66).

“Roma”: Ruy Patrisiu, Manchini, Kumbula (Karsdorp, 68), Rojer, Spinatssola, Veynaldum, Kristante (Matich, 63), Pellegrini (ash-Shaaravi, 63), Zalevski (Solbakken, 63), Dibala, Belotti (Abraham, 62).

Ogohlantirishlar: Ferrari (12), Byanketti (52), Sernikola (58), ash-Shaaravi (74), Rojer (81).