А Серия. “Ювентус” 6 та гол урилган Турин дербисида иродали ғалабага эришди, “Рома” сўнгги ўриндаги жамоага ютқазиб қўйди

Футбол бўйича Италия А Сериясининг 24-туридан ўрин олган икки ўйин 28 февраль, сешанба куни ўтказилди.

“Ювентус” Турин дербисида “Торино”га қарши баҳс олиб борди. Аввалига меҳмонлар ўйин дебютида ҳисобда олдинга ўтиб олди. Бунга майдон эгалари кўп ўтмай Хуан Куадрадонинг голи билан жавоб қайтарди.

Биринчи бўлим якунида ҳар икки жамоа вакиллари яна бир мартадан дарвозаларни ишғол қилди: Антонио Санабрия ва Данило киритган тўплардан кейин ҳисоб 2:2 кўринишини олди. 71-дақиқада Глейсон Бремер “кекса синёра”нинг учинчи голини урган бўлса, 80-дақиқада Адриен Рабьо якуний ҳисобни ўрнатди — 4:2.

Кетма-кет тўртинчи ғалабасини қўлга киритган “Ювентус” очколарини 35 тага етказиб, 7-ўринга кўтарилиб олди. “Торино” 31 очко билан 10-поғонада бормоқда.

“Рома” сафарда “Кремонезе”га қарши ўйнади ва 1:2 ҳисобидаги мағлубиятни қабул қилиб олди. Жозе Моуриньо жамоаси бу мағлубият сабаб 5-ўринда қолиб кетди. Мавсумдаги илк ғалабасини қўлга киритган “Кремонезе” эса 19-поғонага кўтарилди.

24-турдан кейин А Серия мусобақа жадвали қуйидаги кўринишни олди:

А Серия

24-тур баҳслари

28 февраль, сешанба

“Ювентус” – “Торино” 4:2

Голлар: 0:1 – 2 Карамо, 1:1 – 16 Куадрадо, 1:2 – 43 Санабрия, 2:2 – 45 Данило, 3:2 – 71 Бремер, 4:2 – 80 Рабьо.

“Ювентус”: Шенсни, Алекс Сандро, Данило, Бремер (Бонуччи, 90), Куадрадо (Де Шильо, 68), Костич, Ди Мария (Кьеза, 69), Рабьо, Фажоли, Барренечеа (Погба, 69), Влаҳович (Кин, 86).

“Торино”: Милинкович-Савич, Синго, Жижи (Гравиён, 84), Схюрс, Буонжорно, Родригес (Войвода, 74), Линетти (Риччи, 74), Миранчук, Илич, Санабрия, Карамо (Радонич, 60; Сек, 74).

Огоҳлантиришлар: Родригес (60), Риччи (90).

“Кремонезе” – “Рома” 2:1

Голлар: 1:0 – 17 Схажу, 1:1 – 71 Спинацсола, 2:1 – 83, пенальти Чиофани.

“Кремонезе”: Карнезекки, Серникола (Гильоне, 84), Бянкетти, Феррари (Кирикеш, 84), Васкес, Валери, Бенасси, Пикел (Галдамес, 78), Окереке, Схажу (Чиофани, 78), Афена-Гян (Мейте, 66).

“Рома”: Руй Патрисиу, Манчини, Кумбула (Карсдорп, 68), Рожер, Спинацсола, Вейналдум, Кристанте (Матич, 63), Пеллегрини (аш-Шаарави, 63), Залевски (Солбаккен, 63), Дибала, Белотти (Абраҳам, 62).

Огоҳлантиришлар: Феррари (12), Бянкетти (52), Серникола (58), аш-Шаарави (74), Рожер (81).