FIFA 27-fevral, dushanba kuni mavsumning eng yaxshilariga The Best sovrinlarini topshirdi. Quyida marosimdan fotogalereya taqdim etiladi.
Tadbirga nufuzli mehmonlar tashrif buyurdi.
Taqdirlash marosimida braziliyalik afsonaviy futbolchi Pele yodga olindi.
Yilning eng yaxshi murabbiyi nomiga Argentina terma jamoasi bosh murabbiyi Lionel Skaloni munosib topildi. Ushbu sovringa da’vogarlar uchligida Karlo Anchelotti (“Real”) va Xosep Gvardiola (“Manchester Siti”) bor edi.
Argentina terma jamoasining yana bir vakili Emiliano Martines (“Aston Villa”) yilning eng yaxshi darvozaboniga aylandi. Bu borada Martinesga Tibo Kurtua (“Real”, Belgiya) va Yassin Bunu (“Sevilya”, Marokash) raqobatchi bo‘lgandi.
Yilning eng chiroyli goli muallifiga topshiriladigan “Pushkash sovrini”ga polshalik Marchin Oleksi loyiq ko‘rildi.
FIFA va FIFPro talqiniga ko‘ra yil ramziy terma jamoasi ham aniqlandi.
“Barselona” a’zosi Aleksiya Putelyas ayollar futbolida yilning eng yaxshisi deb topildi.
Yilning eng yaxshi o‘yinchisi sifatida “PSJ” klubi va Argentina terma jamoasi hujumchisi Lionel Messi e’tirof etildi.
Izoh (0)