Toshkentning Yangihayot tumanidagi ko‘p qavatli uyning yo‘lagi devorida yoriqlar paydo bo‘ldi. Qurilish va uy-joy kommunal xo‘jaligi vazirligi holat yuzasidan munosabat bildirdi.
Ma’lum bo‘lishicha, ijtimoiy tarmoqlarda “Yangi turmush” mahallasida joylashgan yangi qurilgan 18-sonli uyning kirish yo‘laklarida yoriqlar paydo bo‘lgani to‘g‘risida xabarlar tarqalgan.
Tuman hokimligi tomonidan ushbu yangi uylarning buyurtmachisi hisoblangan Toshkent shahar hokimligi qoshidagi “Yagona buyurtmachi xizmati” IKga mazkur holatni tegishli tartibda o‘rganish bo‘yicha xat kiritilgan.
Holat tegishli tashkilotlar tomonidan instrumental o‘rganilib, binoning tayanch devorlariga shikast yetkazilmagan hamda texnik xavfsiz deb topilsa, mazkur uyga xizmat ko‘rsatuvchi “Bunyodkor” boshqaruv tashkiloti tomonidan bartaraf etiladi.
Izoh (0)