Тошкентнинг Янгиҳаёт туманидаги кўп қаватли уйнинг йўлаги деворида ёриқлар пайдо бўлди. Қурилиш ва уй-жой коммунал хўжалиги вазирлиги ҳолат юзасидан муносабат билдирди.
Маълум бўлишича, ижтимоий тармоқларда “Янги турмуш” маҳалласида жойлашган янги қурилган 18-сонли уйнинг кириш йўлакларида ёриқлар пайдо бўлгани тўғрисида хабарлар тарқалган.
Туман ҳокимлиги томонидан ушбу янги уйларнинг буюртмачиси ҳисобланган Тошкент шаҳар ҳокимлиги қошидаги “Ягона буюртмачи хизмати” ИКга мазкур ҳолатни тегишли тартибда ўрганиш бўйича хат киритилган.
Ҳолат тегишли ташкилотлар томонидан инструментал ўрганилиб, бинонинг таянч деворларига шикаст етказилмаган ҳамда техник хавфсиз деб топилса, мазкур уйга хизмат кўрсатувчи “Бунёдкор” бошқарув ташкилоти томонидан бартараф этилади.
Изоҳ (0)