Ijtimoiy tarmoqning qoraqalpoq segmentida Qoraqalpog‘istoning Qonliko‘l tumanida yangi qurilayotgan ko‘p qavatli uylardan birining zinapoyasi qulab tushgani aks etgan video va suratlar tarqaldi. Maʼlum bo‘lishicha holat tumanning “Yangi O‘zbekiston” massivi qurilishida yuz bergan.
Holat yuzasidan Qonliko‘l tumani hokimligi rasmiy izoh berdi. Qayd etilishicha, mazkur holat “Navro‘z” OFY hududidagi “Yangi O‘zbekiston” massividagi 1/10-sonli besh qavatdan iborat 30 ta kvartirali ko‘p qavatli uyda qayd etilgan.
.jpg?_t)
.jpg?_t)
Aniqlik kiritilishicha, 4-qavatdagi zinapoya nosozlik sabab qulab tushgan.
.jpg?_t)
.jpg?_t)
Hodisa oqibatida hech kimga zarar yetmagan. “Yangi O‘zbekiston” massivida qurilish ishlari “Imarat qurilish konstruksiya” MCHJga topshirilgan, maxsus zinapoyalar (qulab tushgan zinapoyalar ham) esa “Taqiyatas Tau-Kita” temir-beton tomonidan shartnoma asosida yetkazib berilgan.
“Hozirda voqea yuzasidan prokurotura va boshqa tegishli tashkilotlar tomonidan o‘rganish ishlari olib borilmoqda”, — deyiladi rasmiy xabarda.
Mazkur qurilishga javobgar “Imarat qurilis konstruksiya” MCHJ rahbari Maqset Bekimbetovning aytishicha, shu yilning 3-fevral kuni imoratning 3-qavatiga zinapoyalar o‘rnatilgan. 7-fevral kuni esa dars ketib, qulab tushgan.
.jpg?_t)
“Bizga zinalarni yetkazib bergan korxona rahbarlarini chaqirib, holatni ko‘rsatdik. Shartnomalari bor. Pullari bank kreditlari orqali o‘tkazib berilgan. Boshqa podyezdlarga ham shu zinapoyalar qo‘yilgandi. Ko‘p vaqt o‘tmay ular ham yorilishni boshladi. Zinalar ishlab chiqariladigan korxona ishchilarini chaqirib, ularni ham olib tashladik. Korxona xodimlari bizga umumiy hisobda 9 ta zinapoyani yangidan quyib beradigan bo‘ldi" — deydi “Imarat Qurilis konstruksiya” MCHJ rahbari Maqset Bekimbetov.
Izoh (0)