Yevrokuboklar pley-off bosqichidan o‘rin olgan joriy haftadagi o‘yinlar yakunlandi. UEFA har bir musobaqada haftaning eng yaxshilari nomini ma’lum qildi.
“Real” hujumchisi Vinisius Junior Chempionlar Ligasida haftaning eng yaxshi o‘yinchisi deb topildi. Braziliyalik futbolchi “Liverpul”ga qarshi kechgan o‘yinda (5:2) dubl qayd etdi va bitta golli uzatma amalga oshirdi.
Ushbu sovrin uchun shuningdek, Riyod Mahrez (“Manchester Siti”), Hoqon Chalxono‘g‘lu (“Inter”) va Irving Losano (“Napoli”) kurash olib borgandi.
Chempionlar Ligasida haftaning eng chiroyli goli nomiga “Napoli” futbolchisi Jovanni Di Lorensoning “Ayntraxt” darvozasiga kiritgan to‘pi loyiq ko‘rildi.
“Yuventus” yarim himoyachisi Anxel di Mariya esa Yevropa Ligasida haftaning eng yaxshisi bo‘ldi. Di Mariya “Nant”ga qarshi bahsda (3:0) het-trik qayd etgandi. Shuningdek, argentinalik futbolchining goli haftaning eng chiroyli goli deb topildi.
Di María's stunning opener wins Goal of the Week! 💥⚽️@Heineken || #UELGOTW || #UEL pic.twitter.com/kCsly4ZAiN
— UEFA Europa League (@EuropaLeague) February 24, 2023
Konfederatsiyalar Ligasida esa “Anderlext” vakili Bart Verbryuggen haftaning eng yaxshi o‘yinchi deb topildi. Futbolchi “Ludogorets” bilan o‘yinda (2:1) dubl orqali jamoasiga g‘alaba keltirgandi.
Izoh (0)