Yevropa Ligasining 1/8 finaliga qur’a tashlandi

Futbol bo‘yicha Yevropa Ligasining 1/8 final o‘yinlariga 24-fevral, juma kuni qur’a tashlandi.

Yevropa Ligasi 1/8 final juftliklari quyidagi ko‘rinishni oldi:

• “Union Berlin” (Germaniya) — “Yunion” (Belgiya)
• “Sevilya” (Ispaniya) — “Fenerbahche” (Turkiya)
• “Yuventus” (Italiya) — “Frayburg” (Germaniya)
• “Bayer” (Germaniya) — “Ferensvarosh” (Vengriya)
• “Sporting” (Portugaliya) — “Arsenal” (Angliya)
• “Manchester Yunayted” (Angliya) — “Betis” (Ispaniya)
• “Roma” (Italiya) — “Real Sosyedad” (Ispaniya)
• “Shaxtyor” (Ukraina) — “Feyenoord” (Niderlandiya)

Yevropa Ligasi guruh bosqichida har bir guruhda birinchi o‘rinni olgan jamoalar to‘g‘ridan to‘g‘ri 1/8 finalga chiqqandi. Guruhda ikkinchi o‘rinni qo‘lga kiritgan klublar Chempionlar Ligasida 3-pog‘onani band etgan jamoalar bilan o‘tish o‘yinida ishtirok etdi.

1/8 finalning dastlabki o‘yinlari 9-mart kuni bo‘lib o‘tadi, javob bahslari esa 16-martga mo‘ljallangan.