“Bunyodkor” stadionining konferensiyalar zalida 24-fevral, juma kuni V International Tashkent Marathon xalqaro marafoniga bag‘ishlangan matbuot anjumani bo‘lib o‘tdi.
Anjumanda 12-mart kuni Toshkent shahrida V xalqaro marafon va O‘zbekistonning 14 ta hududida “Yangi nafas” ommaviy yugurish musobaqasi bo‘lib o‘tishi xabar qilindi.
Start va marra hududi Afrosiob va Beshyog‘och ko‘chalari chorrahasida (mo‘ljal – Humo Arena muz saroyi) joylashgan.
Musobaqalar quyidagi masofalarda o‘tkaziladi:
- erkaklar va ayollar o‘rtasida marafon — 42,195 kilometr;
- erkaklar va ayollar o‘rtasida yarim marafon — 21,0975 kilometr;
- erkaklar va ayollar o‘rtasida 10 kilometr masofaga poyga;
- erkaklar va ayollar o‘rtasida 3 klilometr masofaga poyga;
Tashkilotchilarning tashabbusiga binoan, International Tashkent Marathon beshinchi marafoni 5500 nafar ishtirokchini qabul qilishni rejalashtirgan.
Musobaqaga ajratilgan pul mukofoti 259 million 720 ming so‘m bo‘lib, 42 km masofada g‘olibga 30 million, 2-o‘rinni egallagan sportchiga 20 million, 3-o‘rinni egallagan sportchi esa 15 millionga ega bo‘ladi. 4-o‘ringa 10 million, 5-o‘ringa 8 million va 6-o‘rin egasiga esa 5 million ajratilgan.
Yarim marafon ishtirokchilari uchun quyidagi pul mukofotlari ko‘zda tutilgan: 1-o‘rin uchun — 20 million, 2-o‘rin uchun — 15 million, 3-o‘rin uchun esa 12 million so‘m.
Marafonda ishtirok etishni xohlovchilar 5-martga qadar ro‘yxatdan o‘tish imkoniyati mavjud.
Izoh (0)