Ukraina boks federatsiyasi erkaklar va ayollar o‘rtasida o‘rtasidagi 2023-yilgi Jahon chempionatlarida ishtirok etmasligini ma’lum qildi. Bunga sabab sifatida federatsiya Xalqaro boks assotsiatsiyasining (IBA) Rossiya va Belarus bokschilarining musobaqalarga qo‘yilganini ko‘rsatgan.
Javobimiz aniq: bizning sportchilar va Ukraina boks federatsiyasi vakillari Rossiya va Belarus vakillari qatnashadigan joyga bormaydi, — degan tashkilot vitse-prezidenti Oleg Ilchenko.
Shuningdek, Ilchenko agar rossiyalik va belaruslik bokschilar Parij—2024 Olimpiya o‘yinlariga qo‘yiladigan bo‘lsa, Ukraina bu musobaqani ham boykot qilishini ta’kidlab o‘tgan.
Rossiyalik Umar Klemlyov boshchilik qiladigan IBA direktorlar kengashi Rossiya va Belarus sportchilarining xalqaro musobaqalardagi ishtirokini cheklash haqidagi qarorni bekor qilgandi. Bu qaror 5-oktabrdan kuchga kirgan.
Avvalroq AQSH, Shvetsiya, Irlandiya, Chexiya va Kanada erkaklar hamda ayollar o‘rtasidagi chempionatni boykot qilgandi. Buyuk Britaniya esa ayollar o‘rtasidagi Jahon chempionatiga bormasligini, erkaklar o‘rtasidagi musobaqa borasida keyinroq qaror qabul qilinishi ma’lum qilgandi. IBA federatsiyalarning bu harakatiga munosabat bildirgandi.
Boks bo‘yicha ayollar o‘rtasidagi Jahon chempionati 15—31-mart kunlari Hindistonning Nyu-Dehli shahrida, erkaklar o‘rtasidagi Jahon chempionati O‘zbekistonda 1—14-may kunlari Toshkentda bo‘lib o‘tadi.
Izoh (0)