“Бунёдкор” стадионининг конференциялар залида 24 февраль, жума куни V International Tashkent Marathon халқаро марафонига бағишланган матбуот анжумани бўлиб ўтди.
Анжуманда 12 март куни Тошкент шаҳрида V халқаро марафон ва Ўзбекистоннинг 14 та ҳудудида “Янги нафас” оммавий югуриш мусобақаси бўлиб ўтиши хабар қилинди.
Старт ва марра ҳудуди Афросиоб ва Бешёғоч кўчалари чорраҳасида (мўлжал – Ҳумо Арена муз саройи) жойлашган.
Мусобақалар қуйидаги масофаларда ўтказилади:
- эркаклар ва аёллар ўртасида марафон — 42,195 километр;
- эркаклар ва аёллар ўртасида ярим марафон — 21,0975 километр;
- эркаклар ва аёллар ўртасида 10 километр масофага пойга;
- эркаклар ва аёллар ўртасида 3 клилометр масофага пойга;
Ташкилотчиларнинг ташаббусига биноан, International Tashkent Marathon бешинчи марафони 5500 нафар иштирокчини қабул қилишни режалаштирган.
Мусобақага ажратилган пул мукофоти 259 миллион 720 минг сўм бўлиб, 42 км масофада ғолибга 30 миллион, 2-ўринни эгаллаган спортчига 20 миллион, 3-ўринни эгаллаган спортчи эса 15 миллионга эга бўлади. 4-ўринга 10 миллион, 5-ўринга 8 миллион ва 6-ўрин эгасига эса 5 миллион ажратилган.
Ярим марафон иштирокчилари учун қуйидаги пул мукофотлари кўзда тутилган: 1-ўрин учун — 20 миллион, 2-ўрин учун — 15 миллион, 3-ўрин учун эса 12 миллион сўм.
Марафонда иштирок этишни хоҳловчилар 5 мартга қадар рўйхатдан ўтиш имконияти мавжуд.
Изоҳ (0)