Yevropa Ligasi. “Manchester Yunayted” irodali g‘alaba evaziga “Barselona”ni musobaqadan chiqarib yubordi, “Roma” ham keyingi bosqichda

Futbol bo‘yicha Yevropa Ligasining o‘tish bahslari doirasidagi javob o‘yinlari 23-fevral, payshanba kuni bo‘lib o‘tdi.

“Manchester Yunayted” o‘z uyida “Barselona”ni qabul qildi. Uchrashuvning 18-daqiqasida Robert Levandovski penaltini aniq amalga oshirgan holda katalonlarni oldinga olib chiqdi. Ikkinchi bo‘lim boshida Fred muvozanatni tikladi. 73-daqiqada Antoni inglizlarning tezkor hujumini gol bilan yakunladi.

Qolgan vaqtda hisob o‘zgarmadi va bu g‘alaba “Manchester Yunayted”ga keyingi bosqich eshiklarini ochdi. “Kamp Nou”dagi o‘yinda 2:2 hisobidagi durang qayd etilgandi.

“Roma” Andrea Belotti va Paulo Dibalaning gollari evaziga umumiy hisobda ustunlikka ega bo‘ldi hamda keyingi bosqich masalasini hal qildi.

“Monako” va “Bayer” o‘rtasidagi ikkinchi uchrashuvda 2:3 hisobi qayd etildi. Qo‘shimcha bo‘limlarda hisob o‘zgarmadi, penaltilar seriyasi esa Xabi Alonso shogirdlari foydasiga hal bo‘ldi.

Yevropa Ligasi

1/8 finalga o‘tish o‘yinlari

23-fevral, payshanba

“Manchester Yunayted” (Angliya) – “Barselona” (Ispaniya) 2:1

Gollar: 0:1 – 18, penalti Levandovski, 1:1 – 47 Fred, 2:1 – 73 Antoni.

“Manchester Yunayted”: De Xea, Uan-Bissaka (Diogu Dalot, 67), Varan, Martines, Shou, Kazemiro, Fred, Brunu Fernandesh, Vegorst (Antoni, 46), Reshford (Maktominey, 88), Sancho (Garnacho, 67).

“Barselona”: ter Shtegen, Kunde, Kristensen, Arauxo (Alonso, 82), Balde, Buskets, Kessie, de Yong, Serxi Roberto (Ferran Torres, 70), Levandovski, Rafinya (Fati, 75).

Ogohlantirishlar: Brunu Fernandesh (60), Kessie (60), Levandovski (71), Garnacho (78), Buskets (83), Kazemiro (86).

Dastlabki bahs: 2:2

“Roma” (Italiya) – “Zalsburg” (Avstriya) 2:0

Gollar: 1:0 – 33 Belotti, 2:0 – 40 Dibala.

“Roma”: Ruy Patrisiu, Smolling, Manchini, Rojer, Spinatssola, Matich, Kristante, Pellegrini (Veynaldum, 81), Zalevski (Karsdorp, 81), Dibala, Belotti (Abraham, 87).

“Zalsburg”: Ken, Dedich (van der Brempt, 74), Bernardo, Sole, Ulmer, Kapaldo (Koyta, 84), Zayvald (Glux, 75), Kergor (Suchich, 46), Gurna-Duat, Okafor, Adamu (Sheshko, 74).

Ogohlantirishlar: Rojer (4), Pellegrini (5), Spinatssola (54), Zalevski (74).

Dastlabki bahs: 0:1

“Union” (Germaniya) – “Ayaks” (Niderlandiya) 3:1

Gollar: 1:0 – 20, penalti Knoxe, 2:0 – 44 Yuranovich, 2:1 – 47 Kudus, 3:1 – 50 Duki.

Dastlabki bahs: 0:0

“Monako” (Monako) – “Bayer” (Germaniya) 2:3

Penaltilar seriyasi – 3:5

Gollar: 0:1 – 13 Virts, 1:1 – 19, penalti Ben-Yedder, 1:2 – 21 Palasios, 1:3 – 58 Adli, 2:3 – 84 Embolo.

Dastlabki bahs: 3:2