Qozog‘istonning Olmaota shahrida zilzila xavf tufayli 384 ta yordam punktlari ochildi. Bu haqda respublika Favqulodda vaziyatlar vazirligiga tayanib, Zakon.kz xabar berdi.
Ma’lum qilinishicha, bu punktlar aholini vaqtinchalik joylashtirish uchun ro‘yxatga olish, jabrlangan aholini asosiy ehtiyojlar (suv, oziq-ovqat) bilan ta’minlash, fuqarolarni xavfsiz hududlarga evakuatsiya qilishga mo‘ljallangan. Bu punktlar 2GIS xaritasida qidiruv tizimiga kiritilgan, shuningdek, Olmaota Favqulodda vaziyatlar departamenti va hokimlikning rasmiy veb-saytlarida mavjud. Bundan tashqari, QR-kodlar ishlab chiqilgan, smartfon yordamida uni skanerlashda eng yaqin punktlar yo‘nalishlarini aniqlash mumkin.
“2023-yilning birinchi yarmida megapolisdagi barcha turar-joy binolarining (2 va undan ortiq qavatli, taxminan 10 mingta uy) fasadlariga belgilar o‘rnatish rejalashtirilgan”, — deyiladi FVV xabarida.
Olmaotada 843 ta sirena va sirena-nutq moslamalari ishlaydi, ular aholini favqulodda vaziyat xavfi haqida xabardor qiladi. Bundan tashqari, 671 ta telekanal va 24 ta Mediaserver radiokanallari ogohlantirish uchun jalb qilinadi. Kuchli zilzila sodir bo‘lgan taqdirda 13371 kishidan iborat kuch va vositalarning maxsus guruhi, shuningdek, turli maqsadlar uchun 4060 dona texnikalar ajratilgan.
.jpg)
Bundan tashqari, Olmaotadagi yirik zilzilani bartaraf etish uchun mamlakatning 16 ta viloyati va 5 ta markaziy davlat organining kuch va vositalari uchta eshelonga bo‘lingan. 23-fevral kuni ertalab Jetisu viloyatida zilzila yuz berdi.
Izoh (0)