Қозоғистоннинг Олмаота шаҳрида зилзила хавф туфайли 384 та ёрдам пунктлари очилди. Бу ҳақда республика Фавқулодда вазиятлар вазирлигига таяниб, Закон.кз хабар берди.
Маълум қилинишича, бу пунктлар аҳолини вақтинчалик жойлаштириш учун рўйхатга олиш, жабрланган аҳолини асосий эҳтиёжлар (сув, озиқ-овқат) билан таъминлаш, фуқароларни хавфсиз ҳудудларга эвакуация қилишга мўлжалланган. Бу пунктлар 2GIS харитасида қидирув тизимига киритилган, шунингдек, Олмаота Фавқулодда вазиятлар департаменти ва ҳокимликнинг расмий веб-сайтларида мавжуд. Бундан ташқари, QR-кодлар ишлаб чиқилган, смартфон ёрдамида уни сканерлашда энг яқин пунктлар йўналишларини аниқлаш мумкин.
“2023 йилнинг биринчи ярмида мегаполисдаги барча турар-жой биноларининг (2 ва ундан ортиқ қаватли, тахминан 10 мингта уй) фасадларига белгилар ўрнатиш режалаштирилган”, — дейилади ФВВ хабарида.
Олмаотада 843 та сирена ва сирена-нутқ мосламалари ишлайди, улар аҳолини фавқулодда вазият хавфи ҳақида хабардор қилади. Бундан ташқари, 671 та телеканал ва 24 та Медиасервер радиоканаллари огоҳлантириш учун жалб қилинади. Кучли зилзила содир бўлган тақдирда 13371 кишидан иборат куч ва воситаларнинг махсус гуруҳи, шунингдек, турли мақсадлар учун 4060 дона техникалар ажратилган.
.jpg)
Бундан ташқари, Олмаотадаги йирик зилзилани бартараф этиш учун мамлакатнинг 16 та вилояти ва 5 та марказий давлат органининг куч ва воситалари учта эшелонга бўлинган. 23 февраль куни эрталаб Жетису вилоятида зилзила юз берди.
Изоҳ (0)