AQSHning sobiq prezidenti Donald Tramp Shimoliy Koreya yetakchisining AQSH-Janubiy Koreya harbiy mashg‘ulotlari haqidagi bayonotini qo‘llab-quvvatladi. Bu haqda Independent xabar berdi.
KXDR yetakchi AQSH va Janubiy Koreya harbiy mashg‘ulotlaridan norozilik bildirgandi.
"Prezidentligim davrida juda yaxshi tanishgan va yaxshi munosabatda bo‘lgan Kim Chen In AQSH va Janubiy Koreya birgalikda mashg‘ulotlar va havo mashqlarini o‘tkazayotganidan norozi. U tahdidni his qilmoqda”, — dedi u.
Siyosatchi Janubiy Koreya AQSHga qimmat mashg‘ulotlar o‘tkazish uchun yetarlicha maosh bermayotganidan shikoyat qildi. So‘nggi haftalarda Shimoliy va Janubiy Koreya o‘rtasidagi taranglik kuchaygan.
Shimoliy Koreya 18-fevral kuni qit’alararo ballistik raketa uchirdi va u Yaponiya dengiziga tushdi. KXDR rasmiylariga ko‘ra, bu sinovlar Janubiy Koreya va AQSHga yaqin haftalarda rejalashtirilgan harbiy mashg‘ulotlar tufayli ogohlantirish hisoblanadi. Bunga javoban Janubiy Koreya, Yaponiya va AQSH strategik bombardimonchi va yashirin qiruvchi samolyotlar ishtirokida qo‘shma mashg‘ulotlar o‘tkazdi. Shimoliy Koreyaning raketa va yadro qurollari dasturlari BMT tomonidan taqiqlangan, biroq mamlakat ularni rivojlantirishda va qo‘shnilariga tahdid qilishda davom etmoqda.
2023-yil fevral oyida Kim Chen In Pxenyandagi harbiy paradda ishtirok etgandi. Paradda Shimoliy Koreyaning ballistik raketalari namoyish qilingan. Tahlilchilar fikricha, bu raketalar AQSHga zarba berishga qodir va yadroviy zarba uchun ishlatilishi mumkin.
Izoh (0)