Эронда бортида 12 нафар йўловчи, жумладан, спорт вазири Ҳамид Сажжади бўлган вертолёт қулаб тушди. Бу ҳақда Аl Arabia хабар берди.
Маълум қилинишича, ҳодиса 23 февраль куни вертолётнинг Бафт шаҳрига қўниш пайтида юз берган. Гувоҳлар вазирнинг ҳолати яхшилигини айтмоқда. У бошқа йўловчилар билан бирга даволаниш учун касалхонага олиб кетилган. Вазирнинг маслаҳатчиси ҳодиса оқибатида вафот этган.
Европа Иттифоқи январь ойида ҳижобни нотўғри ўрагани учун полиция томонидан ҳибсга олинган эронлик Маҳса Аминийнинг ўлими ортидан Сажжадига қарши санкциялар киритганди. 22 ёшли Аминийнинг ўлими ортидан Эронда оммавий тартибсизликлар бошланган. Мамлакат аҳолиси қизнинг ўлимида полицияни айблаган. Мамлакатда бир қанча намойишчи қатл қилинган.
Изоҳ (0)