Moliya vazirligi 2022-yil uchun davlat budjeti daromadlari yakuniy ko‘rsatkichini e’lon qildi.
Unga ko‘ra, jismoniy shaxslardan olinadigan daromad solig‘i bo‘yicha tushumlar 2022-yilda 24,3 trln so‘mni tashkil etib, 2021-yilga nisbatan 5,4 mrld so‘mga yoki 28,4 foizga oshdi.
Bunda, qat’iy belgilangan miqdorda jismoniy shaxslardan olinadigan daromad solig‘i bo‘yicha tushumlar 2022-yilda 393,3 mlrd so‘mni tashkil etib, 2021-yilga nisbatan 3,4 mlrd so‘mga yoki 0,9 foizga kamaydi.
Bu bo‘yicha tushumlarning o‘sishiga bir qator omillar ijobiy ta’sir ko‘rsatdi. Jumladan:
— budjet sektorida eng kam ish haqi 2021-yilga nisbatan o‘rtacha 14,7 foizga oshirilishi;
— iqtisodiyotning barcha sektorlarida xodimlar soni va mehnatga haq to‘lash fondining legallashtirib borilishi.
Natijada 2022-yilda jismoniy shaxslardan olinadigan daromad solig‘i to‘lovchilari soni 5 milliontani tashkil etib, 2021-yilga nisbatan 215 mingtaga yoki 8 foizga oshdi.
O‘tgan yili budjet va nobudjet tashkilotlarida 1 mln so‘mgacha ish haqi olganlar soni eng ko‘p bo‘ldi — 1,4 mln nafar (2021-yilga nisbatan 104 mingtaga kamroq).
Ikkinchi o‘rinni 2 mln so‘mdan 4 mln so‘mgacha oylik oladiganlar egalladi — 1,3 mln kishi.
2022-yilda 1,2 mln xodim (24,6 foiz) 1 mln so‘mdan 2 mln so‘mgacha ish haqi olgan. 4 mln so‘mdan 5,5 mln so‘mgacha oylik oladiganlar 467 ming kishi bo‘lgan.
5,5 mln so‘mdan yuqori maosh oladiganlar yil davomida 200 mingtaga ko‘payib, 649 ming nafarni tashkil qildi.
Izoh (0)