Rossiya iqtisodiyoti Ukrainadagi urush oqibatida 2026-yilga kelib 190 mlrd dollar yo‘qotadi. Bu haqda Bloomberg xabar bermoqda.
Urush boshlangandan beri G‘arb tomonidan kiritilgan sanksiyalar dastlab neft, gaz va qishloq xo‘jaligi mahsulotlari kabi jahon bozorlari uchun muhim bo‘lgan Rossiya eksportini qamrab olmadi, ammo so‘nggi bir necha oy ichida energiyaga ba’zi cheklovlar qo‘shildi.
Bloomberg iqtisodchilari 2023-yilda vaziyat Rossiya uchun yanada qiyinlashadi deb hisoblamoqda.
Rossiya hukumati neft daromadlari pasayishining oldini olish va yuz minglab urushga safarbar qilingan erkaklar oqibatida bo‘shab qolgan mehnat bozorini to‘ldirish uchun kurashmoqda.
AQSH va uning ittifoqchilari energiyadan foydalanish imkoniyatini saqlab qolish zarurati bilan dastlab yumshoqroq cheklovlarni joriy etishga majbur bo‘ldi.
Rossiya xomashyo narxining yuqoriligi sabab Xitoy va Hindiston kabi talabgorlarga neft mahsulotlarini chegirmalar bilan sotdi. Natijada mamlakat daromadlari ko‘paydi.
Jahon yalpi ichki mahsulotining 30 foizdan ortig‘ini tashkil etuvchi davlatlar Rossiya bilan savdo aloqalarini saqlab qoldi va urushni qoralashdan o‘zlarini tiydi, bu Rossiyaga ta’minot zanjirlarini tiklash va iqtisodiy izolyatsiyaga qarshi kurashish imkonini berdi.
Savdoning sanksiyalar qo‘llamagan mamlakatlarga yo‘naltirilgani va davlat xarajatlarining katta o‘sishi Xalqaro Valyuta Jamg‘armasi Rossiyaga bu yil va kelgusi yil uchun yirik iqtisodiyotlar orasida eng katta o‘sish prognozini berganining sabablaridan biridir.
Brioq, moliyaviy jihatdan muammolar kelgusi yillarda aniqroq ko‘rinadi. Rossiyaning mehnatga layoqatli aholisi kelgusi o‘n yil ichida 6,5 foizga qisqarishi mumkin. Bu esa iqtisodiyotni og‘ir ahvolga olib keladi.
Izoh (0)