Rossiya yetakchi: O‘zbekistonda qaysi davlat kompaniyalari ko‘paymoqda?

O‘zbekistonda joriy yilning yanvar oyida yangi chet tashkil qilingan korxonalar soni 207 ta bo‘ldi. Bu haqda Statistika agentligi xabar bermoqda. 

Ma’lum bo‘lishicha, yangi kompaniyalarning 147 tasi Toshkentda tashkil etilgan. 

O‘tgan oy xorijiy kapital ishtirokida yo‘lga qo‘yilgan yangi kompaniyalar soni so‘nggi uch yillikdagi eng yuqorisi bo‘ldi.

Davlatlar kesimida rossiyaliklar yanvar oyida O‘zbekistonda 66 ta yangi kompaniya ochdi. O‘tgan yilning yanvar oyida bu ko‘rsatkich 23 ta edi. 

G‘arb tomonidan kiritilgan sanksiyalar oqibatida rossiyalik biznes egalari kompaniyalarini Markaziy Osiyoga ko‘chirmoqda. O‘zbekistonda Rossiya kompaniyalari ko‘payotgani shu jarayon bilan bog‘liq. 

Shuningdek, yanvarda yangi tashkil qilingan Xitoy kompaniyalari ikkinchi (23 ta) bo‘lgan bo‘lsa, turk kapitali ishtirokidagi yangi kompaniyalar uchinchi (18 ta) bo‘ldi. 

O‘zbekistonda faoliyat olib borayotgan Rossiya kompaniyalarining umumiy soni 3 151 taga yetgan. Eng yaqin Turkiyada bu ko‘rsatkich 3 052 ta.

Keyingi besh yilda xorijiy kapital ishtirokida faoliyat ko‘rsatayotgan korxonalar soni 2 barobarga oshdi.