Birgina xato tufayli sevimli narsangiz bilan xayrlashishga majbur bo‘lgan vaziyat ko‘pchilikka tanish. Ammo shoshilmang, mutaxassislarning taʼkidlashicha, baʼzi dog‘larni izsiz ketkazishning iloji bor.
Paxtadan to‘qilgan oq matolar
Dastavval, dog‘ni vodorod periks bilan ketkazishga harakat qiling. Eritmani dog‘ ustiga tomizib, 1-2 daqiqaga qoldiring, so‘ngra matoni yaxshilab yuvib tashlang. Chunki peroksid matoning mo‘rtlashishiga olib kelishi mumkin. Lozim bo‘lsa, jarayonni yana takrorlang. Shu bilan birga ammiakdan ham foydalansa bo‘ladi. Bu peroksid kabi samarali emas, lekin u baʼzi turdagi dog‘larda yaxshi ishlaydi.
Rangli mato
Agar rangli narsalarda dazmol izlari qolsa, ularni tozalangan oq sirka bilan artib ko‘ring. Uni cho‘tka o‘rniga toza oq mato yordamida shikastlangan yuzaga qo‘llang. Matoning oq rangda bo‘lishi juda muhim, chunki zang izni olib tashlash paytida uning ustida dog‘lar paydo bo‘ladi. Iz butunlay yo‘qolguncha yengil harakatlar bilan “o‘chirish”da davom eting. Keyin kiyimni toza suvda yuving.
Junli matolar
Agar dazmoldagi zang izi faqat uzun-uzun tolalarga tekkan bo‘lsa, eng oson yo‘li shikastlangan joynini qaychi bilan kesib tashlash yoki ularni toza tish cho‘tkasi bilan tarashdir. Agar dazmol kiyimga zarar yetkazgan bo‘lsa, uni uyda tozalashning imkoni yo‘q. Lekin tushkunlikka tushmang! Kiyimni maxsus kimyoviy tozalash xizmatiga olib boring. Kuchli zarar yetmagan bo‘lsa, ular matodan dog‘ni ketkazib beradi.
Gilam
Bunday holatlar kamdan kam uchraydi, ammo kimdir bu xatoga yo‘l qo‘yishi ehtimoldan holi emas. Tasodifan gilamga issiq dazmolni tashlab qo‘ysangiz va o‘sha joy erigan bo‘lsa, afsuski, hatto professional tozalash usuli ham yordam bermaydi. Shu bilan birga, mutaxassislarga murojaat qilish ortiqcha bo‘lmaydi. Professional gilam tozalovchi xodim shikastlangan joyni ehtiyotkorlik bilan kesib tashlashi yoki kuygan joyni “donor” bilan almashtirishi mumkin. Yana bir yo‘li: gilamning dog‘li qismini ko‘zga ko‘rinmas joylarda, masalan, shkaf ostida joylashgan joylarga to‘shash orqali bu muammodan xalos bo‘lishning iloji bor.
Mavzuga doir:
Izoh (0)