Bu hammamiz bilan tez-tez sodir bo‘ladi: do‘konda poyabzal bejirim ko‘rinadi va oyoqlarimizga loppa loyiq keladi. Ammo uyda ular qattiq va kuchli ishqalanishlari maʼlum bo‘ladi, ularni ko‘chaga chiqishning imkoni yo‘qdek tuyuladi. Yaxshiyamki, bizda ko‘plab poyabzal muammolari uchun samarali yechimlar mavjud, deb yozadi “Noviy ochag” nashri.
Qadoq (kallus)dan himoyasi
Oyoqda qadoqning va shishlar paydo bo‘lishining oldini olishda shunchaki sharikli dezodorant yordam beradi. Teriga oz miqdorda undan surting va to‘liq quriting. Ishonch hosil qilish uchun dezodorantni poyabzalning ichki qismiga ham surtib qo‘ying.
Sirpanchiq taglik
Yangi poyabzal juda ham sirg‘anchiqmi? Oyoq kiyim tagini “najdak” qog‘oz bilan ishqalab ko‘ring. Lekin kuchli emas: vaziyatni rasolash uchun materialning juda nozik qatlamini olib tashlash kifoya.
Poyabzal g‘ijirlasa
G‘ayrioddiy chiyillash sizni aqldan ozdiradimi? Yangi poyabzaldan voz kechishga shoshilmang — bu kamchilikni tuzatish mumkin. Oyoq kiyimingizga oz miqdorda chaqaloqlar uchun mo‘ljallangan kukundan sepib qo‘ying. Iloji bo‘lsa, kukun butun taglik bo‘ylab tarqalsin. Bunday chora poyabzalni tashkil etuvchi qismlarning yopishishini yaxshilaydi va u xirillashni to‘xtatadi.
Oyoq kiyim yuzasidagi chiziqlar
Haqiqiy charm poyabzalda burmalar paydo bo‘lgan bo‘lsa, shikastlangan joyni nam mato bilan o‘rang va bug‘ bilan ishlov bering. Oyoq kiyimni asl ko‘rinishiga to‘liq qaytarish dargumon, ammo bu usuldan keyin u ancha yaxshi ko‘rinadi.
Og‘riqdan xalos bo‘ling
Baland poshnali poyabzallarni afzal ko‘rsangiz, ularni uzoq vaqt davomida kiyganingizda ikkinchi va uchinchi barmoqlar o‘rtasida paydo bo‘ladigan og‘riq sizga begona emas. Buning sababi asab tolasining siqilishi va oyoqdagi qon aylanishining buzilishidir. Baland poshnalarning salbiy taʼsirini kamaytirish uchun uchinchi va to‘rtinchi barmoqlarni tibbiy plastir yordamida bog‘lab qo‘ying. Bu muvozanatni o‘zgartirishga va asab tugunlaridan zo‘rayishni bartaraf etishga yordam beradi.
Etik usti qismlarining torligi
Etiklaringizning ustki qismini biroz kengaytirish uchun ichini o‘ralgan gazetalar bilan mahkam qilib to‘ldiring. Oyoq kiyimlarini bir necha kunga qoldiring. So‘ng ularni qaytadan kiyib ko‘ring. Lozim bo‘lsa, bu usulni yana takrorlang.
Flip flop teriga ishqalanganda
Flip-floplar eng qulay poyabzal turlaridan biri hisoblanadi, ammo ular ham baʼzan noqulaylik tug‘dirishi mumkin. Agar tasmalar rezina bo‘lsa, teriga ishqalanadi. Tasmalarni ipak yoki atlasdan iborat yumshoq mato bilan o‘rang.
Oyoqlar hidlansa
Oyoq kiyimlaringiz yomon hidlayaptimi? Unga bir necha quruq choy paketini bir kecha davomida qo‘ying. Ertalabgacha begona hidlardan asar ham qolmaydi.
Suvdan qolgan dog‘lari
Suv ko‘pincha charm poyabzalda xunuk chiziqlar va dog‘lar qoldiradi. Ulardan qutulish juda oson. Kichik miqdordagi tish pastasi va isteʼmol sirkasini aralashtiring. Tayyorlangan kompozitsiya bilan poyabzallarni tozalang va yuvib tashlang.
Rezina poyabzal
Farzandingizni tasodifiy yiqilishdan himoya qilish uchun rezina poyabzal tagiga bir necha bo‘lak issiq yelim tomizing.
Namlikdan himoya qilish
To‘qima poyabzallarni asal yarmarkalarida yoki xususiy asalarichilardan sotib olish mumkin bo‘lgan asal mumi bilan ishlov berish orqali namlikdan saqlang. Oyoq kiyimni mahsulotning bir qismi bilan ishqalang, so‘ngra uni soch feni bilan yaxshilab isitib oling. Mum butunlay erishi va namlik o‘tkazmaydigan qatlamni yaratishi lozim.
Terini himoya qilish
Oyoqda qadoq va shishlarning paydo bo‘lishining asosiy sababi poyabzalning ichki yuzasi hisoblanadi. Ziyon yetishi mumkin bo‘lgan terining shikastlanishiga yo‘l qo‘ymaslik uchun oyoqlarni soch uchun mo‘ljallangan lak seping.
Oyoq kiyim yaraqlab turishi uchun
Xiralashgan loklangan poyabzallarning yaraqlab turishini tiklash uchun ularga har qanday oyna tozalagich vositasini qo‘llang, so‘ngra ularni yumshoq mato bilan artib oling.
Poyabzal qattiqlik qilsa
Yangi poyabzallarni sindirish bir necha kun, baʼzan haftalar davom etishi mumkin. Endi bu qiyinchilikka hojat yo‘q! Oyoq kiyimni qalin jun paypoqlar bilan kiying va materialni fen bilan yaxshilab isiting, eng tor joylarga alohida eʼtibor bering.
Oyoqlar ko‘p terlasa
Gipergidroz — ko‘pchilikka tanish bo‘lgan muammodir. Oyog‘ingiz ostiga kunlik gigiyenik yostiqchalardan qo‘yib, oyoq kiyimingizni terdan saqlang. Zarur bo‘lganda uni yangisiga almashtiring va poyabzalingiz ortiq hidlanmaydi.
Tirnalishlar
Tibbiy yoki texnik vazelin loklangan poyabzal yuzasidagi tirnalgan joylarni ketkazishga yordam beradi. Mahsulotning oz miqdorini shikastlangan joyga paxta yordamida surting va yumshoq harakatlar bilan artib oling.
Mavzuga doir:
- Qishda poyabzal sirpanmasligi uchun nima qilish kerak: 10 ta sinalgan usul
- Oyoqlarni issiq tuting: Ustki kiyim uchun qishki poyabzalni qanday tanlash kerak? (foto)
Izoh (0)