Qaynoq suvdan faqat choy yoki qahva tayyorlash uchun foydalanilmaydi. U bilan yana nimalar qila olish mumkinligini quyidagi maqola orqali bilib olasiz.
Begona o‘tlardan xalos bo‘ling
Hovli tevaragidagi begona o‘tlarni tozalash uchun ularni kimyoviy moddalar bilan zaharlashga hojat yo‘q. Tuproq tarkibiga ziyon keltirmaydigan xavfsiz va ekologik toza usul bor: qaynoq suv. Bu usul hovlilarda istiqomat qiluvchi aholi tomonidan bir yillik o‘simliklarga qarshi kurashda muvaffaqiyatli sinovdan o‘tkazildi. Ammo o‘q ildizli o‘tlar, masalan, qoqio‘tdan xalos bo‘lish uchun ildiziga bir necha choynak qaynoq suvni quyish kerak.
Tuxum qaynatishning yangicha usuli
Tuxumni qaynatishning qiziqarli usuli bor. Choynakka tubidan 10 santimetr ko‘tarilgan miqdorda suv quyib, past olovda qaynatiladi. 4 ta tuxumni mayda teshikli elakka chaqib soling, tuxum oqi pastga oqib tushguncha kuting. Massani ko‘pirtiring, ustiga qaynoq suv quyib, qoshiq bilan aralashtiring. 20 soniya ichida tuxum tayyor bo‘ladi!
Nonni bir tekis kesish usuli
Agar qolipli yoki baton non hozirgina pishib chiqqan bo‘lsa, unda nonni maxsus arra-tishli pichoq bilan kesish qiyin bo‘ladi. Non bo‘laklarga bo‘linib, uvalanib ketadi. Bu muammoni hal qilish oson, faqat pichoq ustiga qaynoq suv quyib, darhol nonni kesishni boshlash kerak. Endi siz bir tekisda kesilgan non bo‘laklaridan mukammal sendvichlar tayyorlay olasiz.
Tiqinlarni tozalang
Rakovina yoki vannadagi tiqinlarni bir necha choynak qaynoq suv bilan tozalashingiz mumkin. Qaynoq suv organik qoldiqlarni tezda eritadi, yumshatadi, shunda ular osongina drenajga tushib ketadi. Ammo PVX(polivinilxlorid)dan tayyorlangan quvurlar bo‘lsa, bunda qaynoq suvdan foydalanish tavsiya etilmaydi.
Taxtakachlarni dezinfeksiyalashda qo‘l keladigan usul
Yog‘och taxtalarni qattiq cho‘tka va kimyoviy moddalar bilan tozalamang, oqibatda ular yaroqsiz holga keladi. Shu bilan birga, ularda bakteriyalar va zararli mikroorganizmlar ko‘payishi mumkin. Xom go‘sht yoki baliqni to‘g‘rab bo‘lgach, taxtakachning yuzasiga qaynoq suv quying va ko‘rsatmalarga muvofiq foydalanishda davom eting.
Yuzni tozalash uchun sochiq tayyorlang
Issiqqina nam sochiq yuz terisini kosmetika vositalaridan yoki yuz niqobi qoldiqlaridan samarali tozalaydi. Toza yumshoq matoni qaynoq suvga botirib, siqib oling va yuzingizni uqalash harakatlari bilan artib oling. Bu usul terini keyingi parvarish uchun tayyorlaydi. Yuzni tozalab olgach, krem yoki oziqlantiruvchi vositalarni surtishingiz mumkin.
Mavzuga doir:
Izoh (0)