Uyda kir yuvish mashinalari paydo bo‘lishi bilan unda hamma narsalarni yuvib ko‘rish boshlandi. Ammo hamma mato ham o‘ziga yarasha xususiyatlarga ega, ular inobatga olinmasa, yuvilish jarayonida kiyimlarga putur yetishi mumkin. Masalan, charm kurtkani uy sharoitida yuvish mumkinmi? “Noviy ochag” nashri quyida ushbu savolga javob berdi.
Avvalo asl charm mahsulotlarini hech qachon kir yuvish mashinasida yuvib bo‘lmaydi. Bunday yo‘l tutish kiyimning ko‘rinishiga putur yetkazadi, teri yorilib ketadi, deformatsiyalanadi va hatto rangini yo‘qotishi mumkin. Agar charm kurtka bilan yomg‘irda qolib ketilsa, uni ilgichga osib, issiq va quruq xonaga qo‘yish lozim. Buni amalga oshirishdan oldin kalit, zanjirlar va boshqa buyumlarni cho‘ntakdan olib tashlashni unutmaslik lozim. Haqiqiy teridan tikilgan ustki kiyim yorilishining oldini olish uchun isitkich yoki uning panjarasidan uzoqroqda quritish lozim.
Charm kurtka namlikdan qo‘rqmaydi, buning uchun charmga namlikni singdiruvchi vositadan foydalanish lozim. Uni har qanday poyabzal, kosmetika va maishiy do‘konlardan xarid qilish mumkin. Kurtkadagi dog‘larning oldini olish uchun vositani bir tekis qatlamda taxminan 30 santimetr masofadan sepish kerak.
Charm kurtkalar etiklar kabi ehtiyotkorlikni talab qiladi. Vaqti-vaqti bilan unga parvarish qilish vositalarini qo‘llash kerak bo‘ladi. Buning uchun vazelin va glitserin ham yordam beradi, ammo kimyo sanoatining zamonaviy yutuqlaridan foydalanish yaxshiroqdir. Yumshoq charm uchun suyuq parvarishlash vositalari, shuningdek, maxsus cho‘tka kerak bo‘ladi.
Agar charm qurib, yorilib ketganini ko‘rsangiz, konditsioner yoki penkali namlantiruvchi yordam beradi. Ushbu vositalar charm yumshoq bo‘lguncha takroran surtiladi.
Agar charm kurtka kir bo‘lsa, shunchaki nam latta bilan dog‘ni artib olish mumkin. Faqat bu vaziyatda shunchaki nam salfetkalardan foydalanmaslik kerak, ular charm rangini o‘zgartirishi yoki qurishiga olib kelishi mumkin. Bordi-yu, charm yuzasida kuchli dog‘ yoki uy sharoitida tozalab bo‘lmaydigan kirlar bo‘lsa, uni tozalashni mutaxassislarga topshirish tavsiya etiladi.
Izoh (0)