Liga 1. “Monako” “PSJ” ustidan ishonchli g‘alabaga erishdi

Futbol bo‘yicha Fransiya chempionatining 23-turidan o‘rin olgan o‘yinda “PSJ” 11-fevral, shanba kuni “Monako” bilan bahs olib bordi. 

Uchrashuvning 4-daqiqasidayoq hisob ochildi. Aleksandr Golovin mezbonlarning birinchi goliga mualliflik qildi. 18-daqiqada Ben-Yedder hisobni ishonchli ko‘rinishga olib keldi. 39-daqiqada Zair-Emeri hisobni qisqartirdi.

Birinchi bo‘lim so‘ngida Ben-Yedder yana bir bor gol urdi. O‘yin oxiriga qadar 3:1 hisobi saqlanib qoldi va “Monako” g‘alaba qozondi.

Shu tariqa “Monako” ochkolari sonini 47 taga yetkazdi va 2-o‘ringa ko‘tarilib oldi. “PSJ” esa 54 ochko bilan 1-o‘rinda bormoqda.

Liga 1

23-tur bahsi

11-fevral, shanba

“Monako” – “PSJ” 3:1

Gollar: 1:0 – 4 Golovin, 2:0 – 18 Ben-Yedder, 2:1 – 39 Zair-Emeri, 3:1 – 45 Ben-Yedder.

“Monako”: Nyubel, Agilyar, Maripan, Disasi, Kayo Enrike, Golovin (Yakobs, 80), Kamara (Matazo, 90), Fofana, Ben-Segir (Minamino, 72), Ben-Yedder (Embolo, 72), Diatta.

“PSJ”: Donnarumma, Pembele (Hakimi, 66), Danilu Pereyra (Garbi, 59), Markinyos, Bitshiabu (Ramos, 46), Bernat, Soler, Vitinya (Kimpembe, 80), Zair-Emeri, Neymar, Ekitik (Xusni, 80).

Ogohlantirish: Hakimi (71).