Лига 1. “Монако” “ПСЖ” устидан ишончли ғалабага эришди 

Футбол бўйича Франция чемпионатининг 23-туридан ўрин олган ўйинда “ПСЖ” 11 февраль, шанба куни “Монако” билан баҳс олиб борди. 

Учрашувнинг 4-дақиқасидаёқ ҳисоб очилди. Александр Головин мезбонларнинг биринчи голига муаллифлик қилди. 18-дақиқада Бен-Еддер ҳисобни ишончли кўринишга олиб келди. 39-дақиқада Заир-Эмери ҳисобни қисқартирди.

Биринчи бўлим сўнгида Бен-Еддер яна бир бор гол урди. Ўйин охирига қадар 3:1 ҳисоби сақланиб қолди ва “Монако” ғалаба қозонди.

Шу тариқа “Монако” очколари сонини 47 тага етказди ва 2-ўринга кўтарилиб олди. “ПСЖ” эса 54 очко билан 1-ўринда бормоқда.

Лига 1

23-тур баҳси

11 февраль, шанба

“Монако” – “ПСЖ” 3:1

Голлар: 1:0 – 4 Головин, 2:0 – 18 Бен-Еддер, 2:1 – 39 Заир-Эмери, 3:1 – 45 Бен-Еддер.

“Монако”: Нюбел, Агиляр, Марипан, Дисаси, Каё Энрике, Головин (Якобс, 80), Камара (Матазо, 90), Фофана, Бен-Сегир (Минамино, 72), Бен-Еддер (Эмболо, 72), Диатта.

“ПСЖ”: Доннарумма, Пембеле (Ҳакими, 66), Данилу Перейра (Гарби, 59), Маркиньос, Бицҳиабу (Рамос, 46), Бернат, Солер, Витиня (Кимпембе, 80), Заир-Эмери, Неймар, Экитик (Хусни, 80).

Огоҳлантириш: Ҳакими (71).