APL. “Arsenal” o‘z maydonida ochko yo‘qotdi, “Tottenhem” “Lester”ga yirik hisobda mag‘lub bo‘ldi

Futbol bo‘yicha Angliya Premyer Ligasining 23-turidan o‘rin olgan qator o‘yinlar 11-fevral, shanba kuni bo‘lib o‘tdi.

“Arsenal” ushbu turda “Brentford”ga qarshi maydonga tushdi. Uchrashuvning 66-daqiqasida Leonardo Trossard hisobni ochdi. 74-daqiqada esa Ivan Touni muvozanatni tikladi. O‘yin oxiriga qadar hisob saqlanib qoldi.

Londonliklar ochkolari sonini 51 taga yetkazib, musobaqa peshqadami bo‘lib turibdi. “Brentford” esa 34 ochko bilan 8-pog‘onadan joy olgan. 

“Tottenhem” safarda “Lester” mehmoni bo‘ldi va 1:4 hisobida imkoniyatni boy berdi. “Tulkilar” safida Mendi, Meddison, Iheanacho va Barns gol muallifiga aylangan bo‘lsa, “shporlar” safida Rodrigo Bentankur o‘z hisobiga gol yozdirib qo‘ydi. 

“Lester” ushbu g‘alabadan so‘ng ochkolarini 24 taga yetkazib, 13-o‘ringa ko‘tarilib oldi. “Tottenhem” esa 39 ochko bilan 5-o‘rinni band etgan.

APL

23-tur bahslari

11-fevral, shanba

“Arsenal” — “Brentford” 1:1

Gollar: 1:0 – 66 Trossard, 1:1 – 74 Touni.

“Arsenal”: Remsdeyl, Uayt, Gabriel, Saliba, Zinchenko, Jaka (Fabiu Vieyra, 81), Parti, Edegor, Saka, Nketia, Martinelli (Trossard, 62).

“Brentford”: Rayya, Roerslev, Mi, Ayer, Pinnok, Genri, Nergor, Yensen, Yanelt (Dasilva, 71), Touni (Skade, 90+7), Mbemo (Vissa, 71).

Ogohlantirishlar: Nergor (90), Skade (90+8).

“Lester” — “Tottenhem” 4:1

Gollar: 0:1 – 14 Bentankur, 1:1 – 23 Mendi, 2:1 – 25 Meddison, 3:1 – 45 Iheanacho, 4:1 – 81 Barns.

“Lester”: Uord, Kastan, Fas, Suttar, Kristiansen, Mendi (Ndidi, 69), Meddison (Rikardu Pereyra, 88), Barns, Dyuzberi-Xoll, Iheanacho (Vardi, 77), Tete (Prat, 77).

“Tottenhem”: Forster, Porro (Emerson, 75), Dayer, Devis, Tanganga (Sanches, 76), Perishich (Risharlison, 75), Hyoyberg, Bentankur (Sarr, 65), Kulusevski (Danjuma, 79), Son Hyon Min, Keyn.

Ogohlantirishlar: Bentankur (4), Fas (12), Meddison (40), Dayer (55), Dyuzberi-Xoll (59), Barns (66), Suttar (74).