APL. “Chelsi” “Vest Hem”ga qarshi o‘yinda g‘alabani qo‘ldan chiqardi

Futbol bo‘yicha Angliya Premyer Ligasining 23-turida “Chelsi” va “Vest Hem” jamoalari 11-fevral, shanba kuni o‘zaro to‘qnash keldi.

Uchrashuvning 16-daqiqasida Joau Feliks “aristokratlar”ni hisobda oldinga olib chiqdi. 28-daqiqada esa Emerson Palmieri muvozanatni tikladi. Jamoalar tanaffusga shu hisob bilan chiqib ketdi.

Ikkinchi bo‘lim ham hujumkor tarzda o‘tdi. 83-daqiqada Souchek tomonidan urilgan gol o‘yindan tashqari holat tufayli bekor qilindi. 1:1 hisobi o‘yin yakuniga qadar saqlanib qoldi va jamoalar 1 ochkodan jamg‘arishga muvaffaq bo‘ldi. 

“Chelsi” ochkolari sonini 31 taga yetkazib, 9-o‘rinni egallab turibdi. “Vest Hem” esa 20 ochko bilan 15-pog‘onani band etgan. 

APL

23-tur bahsi

11-fevral, shanba

“Vest Hem” – “Chelsi” 1:1

Gollar: 0:1 – 16 Joau Feliks, 1:1 – 28 Emerson.

“Vest Hem”: Fabianski, Soufal, Ogbonna, Kerer, Agerd (Jonson, 80), Emerson, Rays, Lukas Paketa (Souchek, 14), Antonio (Ingz, 67), Benrahma (Dauns, 67), Bouen.

“Chelsi”: Arrisabalaga, Jeyms, Tiago Silva, Badyashil, Kukurelya (Chiluell, 67), Loftus-Chik (Gallaher, 79), Mudrik (Ziyosh, 67), Fernandes, Haverts, Joau Feliks, Madueke (Maunt, 68).

Ogohlantirishlar: Soufal (55), Badyashil (64).