“Butun umr tekstil sohasida faoliyat yuritgan otamning ishini davom ettirish biz o‘g‘illar uchun orzu-maqsadga aylangandi. Biznesimizni tekstil mashinalari bilan boshladik” — Global Textile to‘qimachilik korxonasi rahbari Muzaffar Razzoqov o‘z faoliyati haqida East jurnaliga gapirib berdi.
Qanday qilib siz tekstil-to‘qimachilik kompaniyasini barpo etishga qaror qildingiz?
Buning tarixi butun umr tekstil sohasida faoliyat yuritgan otamga borib taqaladi. Ularning ishini davom ettirish biz o‘g‘illar uchun orzu-maqsadga aylangandi. Biznesimizni tekstil mashinalari bilan boshlab, keyinchalik o‘zimizni yigiruv-tikuv fabrikamizni ochdik. Omad bizga yor bo‘ldi va ishimiz muvaffaqiyatli kechdi, bu esa bizni oldinga intilishga ruhlantirdi. Jadal surʼatlar bilan o‘sib, hozirgi kunda kompaniyamiz o‘z ichiga 15 ga yaqin tekstil-to‘qimachilik va agrosanoat korxonalarini qamrab olgan.
Siz “klaster” deb atalgan segmentda faoliyat yuritasiz. Uning afzalligi nimadan iborat?
Milliy paxta va agrosanoat tizimi Prezidentimiz rahbarligida amalga oshirilayotgan keng ko‘lamli islohotlar natijasida butunlay ijobiy o‘zgardi. Mazkur tarixiy o‘zgarishlarga guvoh bo‘lib, bevosita ishtirok etishidan mamnunman. Tekstil-to‘qimachilik klaster tizimining qator afzalliklarini ko‘rsatishimiz mumkin: paxtani o‘stirishdan, yaʼni chigitlar ekish paytidan boshlab to mahsulot ishlab chiqarishning sifatigacha bo‘lgan siklni nazorat qilish imkon beradi,
- Majburiy va bolalar mehnatidan foydalanish, atrof-muhit va ijtimoiy masʼuliyat masalalaridagi xalqaro standartlarga rioya qilishini nazorat qilish va muvofiqlashtirishimiz mumkin.
- Klaster tizimida biznesning ko‘plab yo‘nalishlari vertikal integratsiya asosida tuziladi hamda yangi sinergiya effektini vujudga keltiradi, jarayonning samaradorligi esa bir necha baravar oshadi. Bu esa mahalliy iqtisodiyot aylanmasining o‘sishiga ham ijobiy taʼsir ko‘rsatadi.
- Mazkur sohada biz agrobiznes va barcha innovatsiyalarga baravariga investitsiya sarflashimiz mumkin. Masalan, hozirda biz “aqlli” irrigatsiya va ko‘plab jarayonlarni boshqarish imkonini beradigan raqamli tizimlarni joriy etdik.
- Global texnologiyalarning qo‘llanishi bizga aql bovar qilmaydigan ishlarni amalga oshirish imkonini beradi: biz mazkur hududda ellik yildan beri ishlaydigan odamlarning mentalitetini (dunyoqarashini) o‘zgartiryapmiz, mutlaqo anʼanalarga bo‘ysunadigan sohani zamonaviy industriyaga aylantiryapmiz, yangi usul va yondashuvlar bilan yanada ko‘proq foyda olish mumkinligini odamlarimiz ongiga singdiryapmiz.
Korxonalarning masʼuliyati tobora oshib kelmoqda. Germaniyada narxni shakllantirish ketma-ketligida xalqaro ishlab chiqaruvchilarning masʼuliyati to‘g‘risida yangi qonun qabul qilindi.
Global Textile ushbu o‘zgarishlarga tayyormi?
Biz iqtisodiy, ekologik va ijtimoiy majburiyatlarimizdan kelib chiqib narxni shakllantirish ketma-ketligida barqaror rivojlanishni taʼminlashga intilamiz. Yangiliklarimizdan biri bo‘lgan Track&Trace tizimini 2023-yil o‘rtalarida ishga tushirilishi mo‘ljallanmoqda. Uning yordamida har bir xaridor va mijoz tovarning shtrix kodini skaner qilib, daladan boshlab to tayyor mahsulot kelib chiqishigacha bo‘lgan jarayonni ko‘rishi mumkin. Mazkur shaffof mexanizm ESG ekologik, ijtimoiy va boshqaruv mezonlariga rioya qilinishini taʼminlaydi.
Siz ikkinchi martda Munich Fabrik Start ko‘rgazmasida ishtirok etmoqdasiz. Yevropa bozoridan nimani kutyapsiz? Strategik rejalaringiz qanday?
— GSP+ imkoniyatlaridan maksimal darajada foydalanish.
— Mazkur bozorda o‘zimizni ishonchli hamkor sifatida ko‘rsatish.
— Bir yoki ikkita jahon brendlari bilan barqaror sheriklik aloqalarini o‘rnatish va kichikroq brendlar bilan hamkorlik qilish.
Germaniyada tahsil olganim tufayli biz asosan nemis tilida so‘zlashadigan mamlakatlarga asosiy eʼtiborimizni qaratyapmiz. Ishonamizki, bizning xorijiy sheriklarimiz bunday hamkorlikdan foyda ko‘radi, chunki biz ilg‘or Yevropa mamlakatlarining tajribasini joriy etdik va olg‘a intilishdan hech qachon to‘xtab qolmaymiz.
Batafsil maʼlumot uchun Global Textile saytiga o‘ting: global-textile.uz.
Asl jurnalga havola: https://owc.de/download/5583
Reklama huquqi asosida.
Izoh (0)