bi1 do‘konlar tarmog‘i Toshkent shahrida 27-do‘konini ochdi va 2022-yil natijalarini sarhisob qildi.
Do‘kon ochilishida Schiever Group bosh direktori Vincent Picq, bi1 do‘konlar tarmog‘ining O‘zbekistondagi ta’sischisi Qahramon Olimov, shuningdek Fransiyaning O‘zbekistondagi elchisi Aurelia Bouchez ishtirok etdi.
bi1 –Schiever kompaniyasining bir qismi hisoblanadi. Kompaniya o‘z faoliyatini 1871-yilda Fransiyada boshlagan. Hozirgi kunda Polsha, Tojikiston va O‘zbekistonda faoliyat olib boradi. Kompaniyalar guruhi tarkibiga Auchan/Ashan va Kiabi (franshiza asosida), bi1, Schiever Déco, Hôli va boshqalar kiradi.
Kompaniya O‘zbekistondagi faoliyatini 2021-yilning dekabr oyida bi1 brendi ostida boshlagan. Bugungi kunga qadar Toshkent shahrida kompaniyaning 27 ta do‘koni ochilgan. Tarmoq do‘konlarida mahsulotlarning keng assortimentini uchratishingiz mumkin.
bi1 do‘konlarining o‘ziga xos xususiyati piyoda masofada joylashgan kichik do‘konlar formati bo‘lib, ko‘plab turdagi sifatli mahsulotlarni arzon narxlarda taklif etadi.
“Bizning do'konlarimiz g‘oyasi shundan iboratki, har bir xaridor mahsulotlarimizni xaris qilish imkoniyatiga ega bo‘lishi kerak. Xaridorlarimiz do'konga piyoda yoki velosipedda yetib borishi, sifatli va hamyonbop narxlarda mahsulot sotib olishi lozim. Eng muhimi, mahsulotlarimiz yanada arzonroq narxlarni taklif etishda davom etamiz. Barcha mahsulotlarimiz nazorat tekshiruvlaridan va degustatsiyadan o‘tgan va iste’molchilar tomonidan yuqori baholangan”, — dedi Schiever Group bosh direktori Vincent Picq.
Do‘konlar tarmog‘ining yana bir ajralib turuvchi jihatlarida biri sifatida O‘zbekiston uchun maxsus yaratilgan xususiy savdo belgilari ostida ishlab chiqarilgan mahsulotlarni ko‘rsatib o‘tishimiz mumkin. Xususiy savdo belgilari ostida ishlab chiqarilgan barcha mahsulotlar faqatgina o‘zbekistonlik tabdirkorlar tomonidan Yevropa standartlariga mos ravishda ishlab chiqariladi. Ular sifat va ta’m jihatdan yetakchi brendlarning mahsulotlaridan qolishmaydi.
bi1 kompaniyasining O‘zbekistondagi ta’sischisi Qahramon Olimov do‘konlar tarmog‘ining faoliyati haqida ma’lumot berdi:
— Biz Schiever kompaniyasi bilan qulay hamkorlik aloqalarini o‘rnatganmiz. Kompaniya riteyl sohasida katta xalqaro tajribaga ega, chunki Schiever kompaniyasining do‘konlari O‘zbekistondan tashqari Fransiya, Polsha va Tojikistonda ham faoliyat olib bormoqda.
O‘zbekiston bozori biz uchun juda ham qiziqarli va biz hozirda jauda ham yaxshi o‘sishni kuztmoqdamiz. Bizning asosiy vazifamiz uyga yaqin bo‘lgan do‘konlarning faoliyatini yo‘lga qo‘yish edi. Aholi u yerga kirib, o‘ziga kerak bo‘lgan hamma narsani arzon narxda xarid qilish imkoniyatiga ega bo‘lishi kerak”.
Qahramon Olimov bi1 loyihasidan tashqari, uzoq vaqt davomida O‘zbekiston Respublikasidagi eng yirik xususiy banklardan biri – “Kapital Bank” OAJni boshqargan, 2020-yilda birinchi milliy raqamli bank “Anorbank” AJga asos solgan. Shuningdek, Qahramonjon Olimov korporativ ijtimoiy mas’uliyat tarafdoridir, u mehribonlik uylari tarbiyalanuvchilari uchun bir qator xayriya aksiyalar va tadbirlari tashkil etgan.
2022-yil bi1 doʻkonlar tarmogʻi uchun muvaffaqiyatli o‘tdi. Chilonzor va Mirzo Ulug‘bek tumanlarida 27 ta do‘konning faoliyati yo‘lga qo‘yildi, barcha toifadagi tovarlar bo‘yicha 12 ta xususiy savdo belgilari ostida 1000 dan ortiq tovarlar sotuvga chiqarildi. Xaridorlarni sifatli va hamyonbop mahsulotlar bilan ta’minlash maqsadida 600 dan ortiq ishlab chiqaruvchilarning faoliyati tahlil qilindi va ular orasidan eng yaxshilari tanlab olindi. Do‘konlar xaridorlarning e’tiborini qozona oldi. Hozirda poytaxtning minglab aholisi bi1 do‘konlarini tanlamoqda.
bi1 kompaniyasining O‘zbekistondagi eksklyuziv mahsulotlarini yaratish bilan MDH va Yevropadagi eng yaxshi mutaxassislardan biri, Fransiyaning Auchan gipermarketlari tarmog‘ida to‘qqiz yillik tajribaga ega Olga Kondratyeva shug‘ullanmoqda.
Ta’kidlab o‘tish lozimki, o‘tgan yili Fransiyaning bi1 do‘konlar tarmog‘i nufuzli TAF2022 festivalida 3 ta nominatsiya bo‘yicha g‘oliblikni qo‘lga kiritdi!. Kompaniya foydalanuvchilarning ovozi asosida “Brending” nominatsiyasida oltin mukofot va foydalanuvchilarning ovozlari va hakamlar hayʼatining fikriga ko‘ra “Yangi mahsulot yoki xizmatni ishga tushirish” nominatsiyasida ikkita bronza mukofotini qo‘lga kiritdi.
Kompaniya mahalliy ishlab chiqarishni rivojlantirish bilan birga o‘z mahsulotlarini eksport qilishni ham yo‘lga qo‘ymoqda. Eksport uchun birinchi manzil sifatida Tojikiston tanlandi. Xususiy savdo belgisi ostida ishlab chiqarilgan mahsulotlar Auchan va bi1 do‘konlarida sotilmoqda.
E’tiborli jihati do‘kon peshtaxtalaridagi mahsulotlarning barchasi 3 bosqichli sifat nazoratidan o‘tadi. Birinchi bosqichda mahsulotlar degustatsiya qilinadi. Ikkinchi bosqichda mahsulotning sifatini tekshirish uchun laboratoriya tadqiqotlari o‘tkaziladi. Uchinchi bosqichda esa, ishlab chiqarish jarayoni to‘liq tekshiriladi. Ishlab chiqarish jarayoni va mahsulot sifati doimiy ravishda nazorat qilib boriladi. Kompaniya vakillarining ta’kidlashicha, xususiy savdo belgilari ostidagi mahsulotlar bi1 do‘konlar tarmog‘iga arzon narxlardagi sifatli mahsulotlarni taklif etish imkonini beradi.
Joriy yilda kompaniya do‘konlar sonini ko‘paytirishni, shaharning yangi hududlariga kirishni rejalashtirmoqda, natijada ko‘proq aholi do‘konlar tarmog‘ining afzalliklari bilan tanishishi mumkin. Shuningdek, do‘kondagi mahsulotlarni 1 soat ichida yetkazib berish bo‘yicha E-commerce loyihasini ishga tushirish rejalashtirilgan.
Kompaniya vakillarining ta’kidlashicha, do‘konlar geografiyasini kengaytirishdan tashqari, mijozlarga eng past narxlarni taqdim etish va xususiy brend ostida ishlab chiqarilayotgan mahsulot turlarini ko‘paytirish bo‘yicha olib borilayotgan ishlar faol davom ettiriladi.
Instagram
Facebook
Telegram-kanal
Do‘konlar manzillari: t.me/bi1_locations
Call-markaz bi1: 78-120-02-20
Reklama huquqi asosida.
Izoh (0)