“Бутун умр текстиль соҳасида фаолият юритган отамнинг ишини давом эттириш биз ўғиллар учун орзу-мақсадга айланганди. Бизнесимизни текстиль машиналари билан бошладик” — Global Textile тўқимачилик корхонаси раҳбари Музаффар Раззоқов ўз фаолияти ҳақида East журналига гапириб берди.
Қандай қилиб сиз текстиль-тўқимачилик компаниясини барпо этишга қарор қилдингиз?
Бунинг тарихи бутун умр текстиль соҳасида фаолият юритган отамга бориб тақалади. Уларнинг ишини давом эттириш биз ўғиллар учун орзу-мақсадга айланганди. Бизнесимизни текстиль машиналари билан бошлаб, кейинчалик ўзимизни йигирув-тикув фабрикамизни очдик. Омад бизга ёр бўлди ва ишимиз муваффақиятли кечди, бу эса бизни олдинга интилишга руҳлантирди. Жадал суръатлар билан ўсиб, ҳозирги кунда компаниямиз ўз ичига 15 га яқин текстиль-тўқимачилик ва агросаноат корхоналарини қамраб олган.
Сиз “кластер” деб аталган сегментда фаолият юритасиз. Унинг афзаллиги нимадан иборат?
Миллий пахта ва агросаноат тизими Президентимиз раҳбарлигида амалга оширилаётган кенг кўламли ислоҳотлар натижасида бутунлай ижобий ўзгарди. Мазкур тарихий ўзгаришларга гувоҳ бўлиб, бевосита иштирок этишидан мамнунман. Текстиль-тўқимачилик кластер тизимининг қатор афзалликларини кўрсатишимиз мумкин: пахтани ўстиришдан, яъни чигитлар экиш пайтидан бошлаб то маҳсулот ишлаб чиқаришнинг сифатигача бўлган циклни назорат қилиш имкон беради,
- Мажбурий ва болалар меҳнатидан фойдаланиш, атроф-муҳит ва ижтимоий масъулият масалаларидаги халқаро стандартларга риоя қилишини назорат қилиш ва мувофиқлаштиришимиз мумкин.
- Кластер тизимида бизнеснинг кўплаб йўналишлари вертикал интеграция асосида тузилади ҳамда янги синергия эффектини вужудга келтиради, жараённинг самарадорлиги эса бир неча баравар ошади. Бу эса маҳаллий иқтисодиёт айланмасининг ўсишига ҳам ижобий таъсир кўрсатади.
- Мазкур соҳада биз агробизнес ва барча инновацияларга бараварига инвестиция сарфлашимиз мумкин. Масалан, ҳозирда биз “ақлли” ирригация ва кўплаб жараёнларни бошқариш имконини берадиган рақамли тизимларни жорий этдик.
- Global технологияларнинг қўлланиши бизга ақл бовар қилмайдиган ишларни амалга ошириш имконини беради: биз мазкур ҳудудда эллик йилдан бери ишлайдиган одамларнинг менталитетини (дунёқарашини) ўзгартиряпмиз, мутлақо анъаналарга бўйсунадиган соҳани замонавий индустрияга айлантиряпмиз, янги усул ва ёндашувлар билан янада кўпроқ фойда олиш мумкинлигини одамларимиз онгига сингдиряпмиз.
Корхоналарнинг масъулияти тобора ошиб келмоқда. Германияда нархни шакллантириш кетма-кетлигида халқаро ишлаб чиқарувчиларнинг масъулияти тўғрисида янги қонун қабул қилинди.
Global Textile ушбу ўзгаришларга тайёрми?
Биз иқтисодий, экологик ва ижтимоий мажбуриятларимиздан келиб чиқиб нархни шакллантириш кетма-кетлигида барқарор ривожланишни таъминлашга интиламиз. Янгиликларимиздан бири бўлган Track&Trace тизимини 2023 йил ўрталарида ишга туширилиши мўлжалланмоқда. Унинг ёрдамида ҳар бир харидор ва мижоз товарнинг штрих кодини сканер қилиб, даладан бошлаб то тайёр маҳсулот келиб чиқишигача бўлган жараённи кўриши мумкин. Мазкур шаффоф механизм ESG экологик, ижтимоий ва бошқарув мезонларига риоя қилинишини таъминлайди.
Сиз иккинчи мартда Munich Fabrik Start кўргазмасида иштирок этмоқдасиз. Европа бозоридан нимани кутяпсиз? Стратегик режаларингиз қандай?
— GSP+ имкониятларидан максимал даражада фойдаланиш.
— Мазкур бозорда ўзимизни ишончли ҳамкор сифатида кўрсатиш.
— Бир ёки иккита жаҳон брендлари билан барқарор шериклик алоқаларини ўрнатиш ва кичикроқ брендлар билан ҳамкорлик қилиш.
Германияда таҳсил олганим туфайли биз асосан немис тилида сўзлашадиган мамлакатларга асосий эътиборимизни қаратяпмиз. Ишонамизки, бизнинг хорижий шерикларимиз бундай ҳамкорликдан фойда кўради, чунки биз илғор Европа мамлакатларининг тажрибасини жорий этдик ва олға интилишдан ҳеч қачон тўхтаб қолмаймиз.
Батафсил маълумот учун Global Textile сайтига ўтинг: global-textile.uz.
Асл журналга ҳавола: https://owc.de/download/5583
Реклама ҳуқуқи асосида.
Изоҳ (0)