Turkiyadagi zilzilalar oqibatida sug‘urtalangan zarar 2—4 milliard dollarni tashkil qilgan. Bu haqda Fitch agentligi xabar bermoqda.
Fitch Turkiya va Suriyada fojiali tarzda yuz bergan zilzila tufayli sugʻurta toʻlovlarining koʻpchiligi oxir-oqibat global qayta sugʻurtalovchilar tomonidan toʻlanadi deb hisoblamoqda.
“Sugʻurtalangan yoʻqotishlarni vaziyat oʻzgarishi bilan baholash qiyin, biroq ular 2 milliard dollardan oshadi va 4 milliard dollar yoki undan koʻproqqa yetishi mumkin. Biroq zarar ko‘rgan hududlarda sug‘urta qoplamasi pastligi sababli sug‘urtalangan yo‘qotishlar ancha past bo‘lishi mumkin, ehtimol taxminan, 1 milliard dollar”, — deyiladi xabarda.
Turk Falokat Sug‘urta Havzasi (TCIP) 1999-yil Izmir zilzilasidan so‘ng shaharlardagi turar joy binolariga zilziladan yetkazilgan zararni qoplash uchun tashkil etilgan. Ammo bu insoniy yo‘qotishlarni qoplamaydi.
Shuningdek, Turkiyada zilzila sug‘urtasi texnik jihatdan majburiydir, lekin ko‘pincha amalda qo‘llanllmaydi.
Natijada, ko‘plab turar joylar sug‘urta qilinmaydi, ayniqsa, uy xo‘jaliklari ancha past daromadga ega bo‘lgan hududlarda.
Ma’lumot uchun, Turkiya va Suriyadagi zilzilalardan so‘ng halok bo‘lganlar soni 21 ming nafardan oshgan.
Izoh (0)