O‘zbekistonda yanvar oyida kimlarga eng yuqori maosh taklif qilindi?

O‘zbekistonda 2023-yil yanvar oyida xodimlarga taklif qilingan o‘rtacha maosh qariyb 5 mln so‘m bo‘ldi. Bu haqda “Daryo”ga HeadHunter ma’lum qildi.  

Mamlakatda 2023-yil yanvarida 2022-yil yanvariga nisbatan taklif qilingan ish haqi qanday o‘zgargani va ish beruvchilar qaysi mutaxassislarga ko‘proq to‘lashga tayyorligi solishtirildi.

2023-yil yanvar oyi oxirida O‘zbekistonda ish beruvchilar tomonidan taklif qilingan o‘rtacha ish haqi 4 981 362 so‘mni tashkil etdi va o‘tgan yilning yanvariga nisbatan bir yil davomida 25 foizga (3 984 962 so‘mdan) oshdi.

Shu bilan birga, Toshkentdagi o‘rtacha ish haqi takliflari hamon O‘zbekiston bo‘yicha o‘rtacha ko‘rsatkichdan yuqoriligicha qolmoqda — hozir farq 11 foizga yuqori.

Eng yuqori maosh IT-mutaxassislari (o‘rtacha 7,5 million so‘m), yirik bo‘limlarning top-menejerlari va direktorlari (9 million so‘m) va tahlilchilarga (7 million so‘m) taklif qilindi. 

Biroq, sotuvchilar eng ko‘p ish takliflarini olgan. Ularning takliflari yanvar oyida bo‘sh ish o‘rinlarining 39 foizini tashkil qilgan.