Туркиядаги зилзилалар оқибатида йўқотишлар катта бўлади — Fitch

Туркиядаги зилзилалар оқибатида суғурталанган зарар 2—4 миллиард долларни ташкил қилган. Бу ҳақда Fitch агентлиги хабар бермоқда. 

Fitch Туркия ва Сурияда фожиали тарзда юз берган зилзила туфайли суғурта тўловларининг кўпчилиги охир-оқибат глобал қайта суғурталовчилар томонидан тўланади деб ҳисобламоқда.

“Суғурталанган йўқотишларни вазият ўзгариши билан баҳолаш қийин, бироқ улар 2 миллиард доллардан ошади ва 4 миллиард доллар ёки ундан кўпроққа етиши мумкин. Бироқ зарар кўрган ҳудудларда суғурта қопламаси пастлиги сабабли суғурталанган йўқотишлар анча паст бўлиши мумкин, эҳтимол тахминан, 1 миллиард доллар”, — дейилади хабарда. 

Турк Фалокат Суғурта Ҳавзаси (TCIP) 1999 йил Измир зилзиласидан сўнг шаҳарлардаги турар жой биноларига зилзиладан етказилган зарарни қоплаш учун ташкил этилган. Аммо бу инсоний йўқотишларни қопламайди.

Шунингдек, Туркияда зилзила суғуртаси техник жиҳатдан мажбурийдир, лекин кўпинча амалда қўлланллмайди. 

Натижада, кўплаб турар жойлар суғурта қилинмайди, айниқса, уй хўжаликлари анча паст даромадга эга бўлган ҳудудларда.

Маълумот учун, Туркия ва Суриядаги зилзилалардан сўнг ҳалок бўлганлар сони 21 минг нафардан ошган.