Xabaringiz bor, 2023-yilning 6-fevral kuni Turkiyaning janubi-sharqiy viloyatlarida 7,8 ballik zilzila sodir bo‘ldi. Yuz bergan zilzila oqibatida yuzlab odamlar halok bo‘ldi, katta talafotlar ko‘rildi.
Prezident Shavkat Mirziyoyev Turkiya prezidenti Rajab Toyyib Erdo‘g‘onga voqea yuzasidan hamdardlik bildirib, Turkiya yetakchisi va xalqiga taʼziya izhor etdi. Va prezidentning o‘sha kungi topshirig‘iga ko‘ra O‘zbekistondan Turkiya davlatiga insonparvarlik yordami hamda zilzila oqibatlarini bartaraf etish maqsadida 60 nafar FVV qutqaruvchi hamda 3 ta maxsus avariya-qutqaruv texnikasi yuborildi.
Turkiyaning Hatay viloyatida joylashgan Avakent shahrida O‘zbekiston Favqulodda vaziyatlar vazirligi xodimlari qidiruv-qutqaruv ishlarining birinchi soatlarida vayronalar ostidan 9 nafar jarohatlangan ва 12 nafar halok bo‘lganlarni olib chiqishga muvaffaq bo‘ldi.
O‘zbekiston Favqulodda vaziyatlar vazirligi qutqaruvchilari qutqaruv ishlarining to‘rtinchi kunida vayronalar ostidan yana 14 kishining jasadini olib chiqdi. Shunday qilib, O‘zbekiston Favqulodda vaziyatlar vazirligi xodimlari Turkiyadagi vayronalar ostidan 13 nafar jabrlangan va 64 nafar halok bo‘lganlarni olib chiqishga erishdi. Qutqaruv ishlari davom etmoqda.
Izoh (0)