Ba’zida onalar va ularning qiz farzandlari shunchalik o‘xshash bo‘ladiki, ularni bir qarashda ajratish qiyin bo‘ladi. Ayniqsa, mashhurlar orasida bunday misollar talaygina. Quyida bir-biriga ikki tomchi suvdek o‘xshaydigan mashhurlar haqida so‘z yuritamiz.
Sindi Krouford va Kaya Gerber
Kaya onasidan nafaqat go‘zal chehra, balki go‘zal qomat va modellik iste’dodini ham meros qilib olgan. U 10 yoshida ilk marta suratga tushgan, Sindi esa 16 yoshida modellik faoliyatini boshlagan. Kaya bugun dunyoning yetakchi moda haftalarida ishtirok etadi. Onasi esa uni doim qo‘llab-quvvatlab keladi.
Riz Uizerspun va Ava Filipp
Bu ikki nafis ayol egizaklarga o‘xshamasa-da, xuddi opa-singildek ko‘rinadi: ikkisining ham ko‘zlari moviy, sochlari sariq va oriq. So‘nggi yillarda Riz va Ava turli tadbirlarda, “Emmi” mukofoti tantanalaridan tortib, Parijdagi debyutantlar baligacha birgalikda qatnashmoqda.
“Ava mening eng yaqin dugonam. Biz hamma ishni birga qilamiz”, deydi Riz farzandi haqida.
Ava rasm chizadi, suratkashlikka qiziqadi va yaqinda aktrisalikda ham o‘zini sinab ko‘rishni rejalashtirgan.
Vanessa Paradi va Lili-Rouz Depp
Vanessa Paradi va Jonni Deppning qizi Lili-Rouz ota-onasidan eng yaxshi jihatlarni meros qilib olgan: u chiroyli tashqi ko‘rinish bilan birga aktrisalik iqtidoriga ham ega. Lili-Rouz nafaqat filmlarda, balki Chanel No5 L’Eau atirining reklamalarida ham suratga tushishga ulgurgan.
Darvoqe, uning ota-onasi avvaliga farzandini shou-biznesdan iloji boricha yiroqda tutishga harakat qilishgan, ammo buning uddasidan chiqmagan. Hozirda Vanessa qizini san’at yo‘lida qo‘llab-quvvatlashga tayyor:
“Agar Liliga filmda rol taklif qilishsa yoki albom yozishsa, uning yo‘lini to‘smayman, aksincha, yordam beraman. Chunki onam bilan otam ham xuddi shunday qilgan edi”, degan Paradi intervyulardan birida.
Demi Mur va Rumer Uillis
Demi Mur va Bryus Uillisning uch nafar qizi bor va ular tashqi ko‘rinish bo‘yicha asosan otasiga o‘xshaydi. Biroq vaqt o‘tib, Rumer ulg‘aygani sari onasiga tobora ko‘proq o‘xshab bormoqda. Ular buni o‘zlari ham ko‘p ta’kidlaydi. Masalan, ona va qizning ijtimoiy tarmoqlarda bir xil kiyimda tushgan suratlari ko‘p.
Aytgancha, Rumer ham ota-onasi singari aktrisa bo‘lishni tanlagan. U asosan triller va qo‘rqinchli janrlarda suratga tushadi.
Madonna va Lourdes Mariya Chikkone-Leon
Madonna o‘zida bir necha marta plastik operatsiyalar amaliyotini bajargan, ammo uning qizi Lourdes bilan baribir o‘xshashligi yaqqol ko‘zga tashlanadi. Hatto ular bir xil oliygohda — Michigan universitetining san’at fakultetida tahsil olgan.
Lourdes onasiga bo‘lgan mehri va hurmatini qo‘lidagi “ona” yozuvli tatuirovka bilan ifodalagan. Shuningdek, u Madonna bilan birga Material Girl kiyim brendini yaratishda faol ishtirok etgan.
“Lourdes aktrisa bo‘lishni xohlaydi. Men bu qarorni qo‘llamayman, ammo qizimni bundan to‘xtatishga urinmayman ham. Faqat unga har ishda jiddiy va mas’uliyatli bo‘lish lozimligini aytaman”, deydi Madonna.
Meril Strip va Memi Gammer
Aktrisa Meril Strip va uning qizi Memi Gammer bir-biriga shu darajada o‘xshaydi-ki, Layosh Koltayning “Oqshom” filmida ular bir obrazni turli yoshdagi holatda gavdalantirgan.
“Rikki va Flesh” filmida esa ular ona va qiz rollarini ijro etgan.
“Men va onamni ko‘p narsa bog‘laydi, biz har tomonlama juda yaqinmiz”, deydi Memi.
Izoh (0)