O‘zbekistonda 2023-yilda aholining sifatli va qulay yo‘lovchi tashish xizmatlariga ehtiyojlarini qondirish maqsadida Toshkent shahri va hududlar uchun qo‘shimcha 1 mingtadan zamonaviy avtobuslar xarid qilinadi. Bu jamoatchilik muhokamasiga qo‘yilgan davlat dasturi loyihasida ko‘zda tutilgan.
Qayd etilishicha, “O‘zmilliybank” AJdan xorijiy moliya institutlari mablag‘lari hisobidan uzoq muddatli va imtiyozli kredit mablag‘larini jalb qilgan holda qo‘shimcha 2 000 ta avtobus sotib olinadi.
Buning uchun 230 million dollar xorijiy kredit liniyalari mablag‘lari sarf qilinadi.
Transport vazirligi, Iqtisodiyot va moliya vazirligi, “O‘zbekiston temir yo‘llari” AJ, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari topshiriq ijrosi uchun mas’ul etib belgilandi.
Izoh (0)