Хабарингиз бор, 2023 йилнинг 6 февраль куни Туркиянинг жануби-шарқий вилоятларида 7,8 баллик зилзила содир бўлди. Юз берган зилзила оқибатида юзлаб одамлар ҳалок бўлди, катта талафотлар кўрилди.
Президент Шавкат Мирзиёев Туркия президенти Ражаб Тоййиб Эрдўғонга воқеа юзасидан ҳамдардлик билдириб, Туркия етакчиси ва халқига таъзия изҳор этди. Ва президентнинг ўша кунги топшириғига кўра Ўзбекистондан Туркия давлатига инсонпарварлик ёрдами ҳамда зилзила оқибатларини бартараф этиш мақсадида 60 нафар ФВВ қутқарувчи ҳамда 3 та махсус авария-қутқарув техникаси юборилди.
Туркиянинг Ҳатай вилоятида жойлашган Авакент шаҳрида Ўзбекистон Фавқулодда вазиятлар вазирлиги ходимлари қидирув-қутқарув ишларининг биринчи соатларида вайроналар остидан 9 нафар жароҳатланган ва 12 нафар ҳалок бўлганларни олиб чиқишга муваффақ бўлди.
Ўзбекистон Фавқулодда вазиятлар вазирлиги қутқарувчилари қутқарув ишларининг тўртинчи кунида вайроналар остидан яна 14 кишининг жасадини олиб чиқди. Шундай қилиб, Ўзбекистон Фавқулодда вазиятлар вазирлиги ходимлари Туркиядаги вайроналар остидан 13 нафар жабрланган ва 64 нафар ҳалок бўлганларни олиб чиқишга эришди. Қутқарув ишлари давом этмоқда.
Изоҳ (0)