Shavkat Mirziyoyev 9-fevral kuni Turkiyaning Oʻzbekistondagi elchixonasiga borib, turk qardoshlarga yana bir bor hamdardlik bildirdi, deb xabar bermoqda Prezident matbuot xizmati.
6-fevral kuni Turkiyaning janubi-sharqiy ellarida yuz bergan kuchli zilzilalardan so‘ng davlat rahbari oʻsha kuniyoq qardosh Turkiya xalqiga va prezident Rajab Toyyib Erdo‘gʻonga hamdardlik bildirgan edi.
Zilzila oqibatlarini bartaraf etishda koʻmaklashish uchun O‘zbekistonda bir necha guruh qutqaruvchilar Turkiyaga yuborildi. Shuningdek, gumanitar yordam yuklari muntazam joʻnatib turilibdi.
Prezident Turkiyaning Oʻzbekistondagi elchixonasida ochilgan hamdardlik kitobiga tasalli soʻzlarni yozib qoldirdi. Marhumlarning oilasi va yaqinlariga sabr-toqat so‘rab, jarohat olgan insonlar tez fursatlarda sogʻayib ketishini tiladi.
Shavkat Mirziyoyev Oʻzbekiston barcha zarur yordamga tayyorligini bildirdi.
Izoh (0)