Zilzilalar natijasida jabrlanganlarga shoshilinch yordam ko‘rsatish maqsadida Turkiyaning Gaziantep shahriga O‘zbekistondan qo‘shimcha qidiruv-qutqaruv va tibbiyot xodimlari guruhi yetkazildi.
TIV matbuot xizmatining ma’lum qilishicha, bortda umumiy soni 71 kishidan iborat qo'shimcha qidiruv-qutqaruv va tibbiyot xodimlari guruhi bilan bir qatorda, navbatdagi gumanitar yordam partiyasi ham yetkazildi.
Jabrlanganlarga yordam berish uchun Mudofaa vazirligi tibbiyot otryadining 50 nafar xodimi xizmat qiladigan bir gektarga teng maydonda to‘qqizta alohida bo‘linma bo‘lgan ko‘chma kasalxona majmuasini joylashtirish rejalashtirilgan.
Mazkur dala shifoxonasi O‘zbekistondan barcha zarur tibbiy texnika va dori-darmonlar bilan to‘liq jihozlangan bo‘ladi.
7-fevral kuni Turkiya xalqiga zilzila oqibatlarini bartaraf etishda koʻmaklashish maqsadida Oʻzbekistondan ikkita samolyot Adana va Gaziantep shaharlariga gumanitar yordam hamda qutqaruvchilar guruhini yetkazgandi.
Izoh (0)