Bir kechada taniqli bo‘lib uyg‘onish mumkin. Eng mashhur jurnallar muqovasini birdaniga egallab, so‘ngra to‘satdan unut bo‘lish ham oson. The Voice Mag nashri mashhurlikni qo‘ldan boy berganiga qaramay, karyerasini qayta qurishga muvaffaq bo‘lgan aktrisalarni sanab o‘tdi.
Jennifer Kulij
Bu aktrisaning ismini ilgari eslab qolishgamagani aniq, u hamma uchun shunchaki Stiflerning onasi edi. Jennifer Kulijga mashhurlikni 1999-yilda “Amerika pirogi” komediyasi olib keldi, u yerda aktrisa bosh qahramonlardan birining onasini o‘ynadi. Ammo xuddi shu film uning omadsizligiga ham sabab bo‘ldi. U keyinchalik ham komediyalar doirasidan tashqariga chiqmadi, uning filmografiyasida yangi yodda qolarli personajlar yo‘q edi.
Demak, Jennifer “Oq lotos” seriali rejissori Mayk Uayt bilan uchrashib qolmaganida, faqat bitta roli bilan yodda qolgan bo‘lardi. U Kulijni Tanya Makkuoid roliga taklif qildi, aktrisa yillar davomida barcha sarflanmagan kuchini shu rolga bag‘ishlaganga o‘xshaydi. U tomoshabinlarni yana hayratda qoldirdi va tanqidchilar uning g‘alabali qaytishini qadrladi. U shundan keyin ikkinchi darajali eng yaxshi aktrisa sifatida “Emmi” va “Oltin globus” mukofotini oldi.
Sara Mishel Gellar
Albatta, 2000-yillarning boshidagi mashhur serialda Baffi roli bilan Sara Mishel Gellar vampirlarni qanday yo‘q qilganini eslash mumkin. Ammo keyin unga nima bo‘ldi? Serialni suratga olish oralig‘ida Gellar bir nechta mashhur filmlarda o‘ynashga muvaffaq bo‘ldi. Ammo uning filmografiyasi juda qayg‘uli ko‘rindi, hech qanday yirik loyihalar, qiziqarli rollar yo‘q edi, shuning uchun aktrisa tilga kam olindi va muxlislar yodidan ko‘tarildi. Gellar ikkinchi professional imkoniyatga 2023-yil 26-yanvarda Paramount + striming xizmatida chiqqan “Bo‘rilar to‘dasi” seriali tufayli erishdi.
Lindsi Loxan
Lindsi Loxan karyerasini bolaligidan boshladi, keyin butunlay g‘oyib bo‘ldi. Yoshlik Loxanga juda ko‘p muammolar keltirdi: mast holda mashina haydagani uchun hibsga olinish, spirtli ichimliklar va giyohvand moddalar bilan bog‘liq muammolar tufayli reabilitatsiya markazida bo‘lish. Bularning barchasi aktrisaning karyerasiga nuqta qo‘ydi, janjal tufayli ko‘plab studiyalar u bilan ishlashni to‘xtatdi. Aktrisa karyerasini qayta qurishi uchun ko‘p vaqt sarfladi, hatto boshqa kasblarga o‘tdi, masalan, Gretsiyada plyaj klublarini ochdi. Ammo 2019-yilda aktrisaga omad kulib boqdi. U o'zining uchinchi studiyaviy albomini yozib, chiqarishga muvaffaq bo‘ldi va keyinchalik Netflix’ning “Unutilmas Yangi yil” romantik komediyasida rol o‘ynadi. Film tanqidchilar tomonidan stereotip deb atalgan bo‘lsa-da, Loxan maqtovga sazovor bo‘ldi, shuning uchun aktrisaning ekranlarga qaytishi muvaffaqiyatli kechdi.
Mavzuga doir:
Izoh (0)