Shavkat Mirziyoyev Turkiya janubi-sharqiy qismidagi viloyatlarda yuz bergan kuchli zilzila munosabati bilan Rajab Toyyib Erdo‘g‘onga hamdardlik yoʻlladi.
Prezident matbuot kotibining ma’lum qilishicha, davlat rahbari zilzila oqibatida ko‘plab odam qurbon bo‘lgani va jiddiy jarohat olgani, katta talafotlar ko‘rilgani munosabati bilan Turkiya yetakchisi va xalqiga chuqur ta’ziya izhor etdi. Vafot etganlarning oila a’zolari va yaqinlariga hamdardlik bildirdi, jabrlanganlar tez fursatda sog‘ayib ketishini tiladi.
6-yanvar kuni ertalab Turkiyaning janubi-sharqiy viloyatlarida, shuningdek, Suriya shimolida zilzila sodir bo‘lgandi. Turkiyada 76 kishi, Suriyada qariyb 100 kishi halok bo‘ldi. Ko‘plab binolar vayron bo‘ldi.
O‘zbekiston TIV matbuot xizmati bergan ma’lumotga ko‘ra, 6-fevral Toshkent vaqti bilan soat 11:00 holatiga koʻra, O‘zbekistonning Turkiyadagi diplomatik vakolatxonalariga zilzila oqibatida halok bo‘lgan va jarohatlangan O‘zbekiston fuqarolari bo‘yicha ma’lumot kelib tushmagan.
O‘zbekistonning Anqaradagi elchixonasi va Istanbuldagi bosh konsulligi Turkiya hukumati, shu jumladan, TIV huzurida tashkil etilgan operativ shtab bilan doimiy muloqotda boʻlib turibdi.
Izoh (0)