Rossiya prezidenti Vladimir Putin aviatsiya sanoati vakillari bilan uchrashuvda Rossiya hech qanday harbiy harakatlar boshlamagani, aksincha ularni tugatishga harakat qilayotganini aytdi. Bu haqda “TASS” xabar berdi.
Putinning so‘zlariga ko‘ra, Rossiya Ukrainada 2014 yildan beri davom etayotgan harbiy harakatlarni tugatishga harakat qilmoqda.
“Men yana bir bor aytmoqchiman: hech qanday jangovar harakatlarni boshlaganimiz yo‘q, ularni tugatishga harakat qilyapmiz. Bu jangovar harakatlar Ukrainadagi millatchilar va ularni qo‘llab-quvvatlaganlar tomonidan 2014-yilda davlat to‘ntarishi amalga oshirilganda boshlangan. Hammasi shundan boshlandi, keyin Qrim va Donbassdagi voqealar davom etdi”, — dedi Rossiya prezidenti.
Putinga ko‘ra, Kiyev 2014-yilda Donbassga qarshi urush boshlagan, barcha kelishuv va majburiyatlarni buzgan holda, Donbass hududlarini deyarli blokadaga olgan.
“Ular og‘ir harbiy texnika yordamida ishlashni boshladi, bir necha bor yirik harbiy operatsiyalarni amalga oshirdi. Ana o‘shanda ular urushni boshladi. U yerda yashovchi va Rossiya, rus madaniyati va rus tili bilan aloqada bo‘lgan odamlarni yo‘q qilish sakkiz yil davom etdi. Qachongacha chidash mumkin edi?” — dedi u.
Mavzuga doir:
Izoh (0)