Polsha ichki ishlar va maʼmuriyat vaziri Mariush Kaminskiy Belarus bilan chegaradagi Bobrovniki nazorat-oʻtkazish punkti yopilganini maʼlum qildi. Kaminskiyning ta’kidlashicha, bunday qaror “davlat xavfsizligi manfaatlaridan kelib chiqqan holda” qabul qilingan. O‘tkazish punkti 10-fevral kuni tushdan keyin ishlashdan to‘xtaydi.
Bobrovniki nazorat-o‘tkazish punkti (Belarus tomonida Brestovitsa) Grodno viloyatidagi asosiy, Polsha—Belarus chegarasidagi eng yirik chegara punktlaridan biri. 2022-yil dekabr oyida, Polsha Davlat chegara xizmati maʼlumotlariga koʻra, ushbu nazorat-oʻtkazish punkti orqali ikki yoʻnalishda deyarli 111 ming kishi oʻtgan.
Avvalroq Polsha Polovtse (Peschatka) va Slavatiche (Domachevo) chegara punktlarini yopgan edi. Bundan tashqari, 2021-yilning kuzidan beri Kuznitsa Belostotskaya (Bruzgi) nazorat-o‘tkazish punkti ishlamayapti.
2022-yilning kuzida Polsha va Boltiqboʻyi mamlakatlari turistik vizasi boʻlgan rossiyaliklar uchun oʻz chegaralari orqali oʻtish yoʻlini yopgandi. Bir qator Yevropa davlatlari ham Rossiya va Belarus fuqarolariga Shengen vizalarini berishni to‘xtatdi.
Izoh (0)