Turkiya prezidenti Rajab Toyyib Erdo‘g‘on mamlakatda zilzila oqibatida halok bo‘lganlar soni 16 546 kishiga yetganini ma’lum qildi. Turkiya va Suriyada jami qurbonlar soni 19 738 nafarga yetdi. Bu haqda The Guardian xabar berdi.
Suriya rasmiylari avvalroq hukumat nazoratidagi hududlarda halok bo‘lganlar soni 1262 kishini tashkil etganini, muxolifat guruhi esa mamlakat shimoli-g‘arbida nazorati ostidagi hududlarda 1930 kishi halok bo‘lganini ma’lum qilgan. Hukumat nazoratidagi va isyonchilar nazoratidagi Suriyada jami 5158 kishi jarohatlangan. So‘nggi ma’lumotlarga ko‘ra, Turkiyada 66 132 kishi jarohat olgan.
Mutaxassislarning aytishicha, yaqin kunlarda halok bo‘lganlar va yaralanganlar soni ortishda davom etadi. Odamlar uchinchi kechadir vayronalar ostida qolmoqda, zarar ko'rgan hududlarda havo harorati noldan past. Qolaversa, tirik qolganlar uy-joylarini yo‘qotib, ko‘chada tunab qolgan.
Mavzuga doir:
- Turkiyada yana bir kuchli zilzila yuz berishi kutilmoqda
- Turkiyadagi shaharlarning zilziladan oldingi va keyingi ko‘rinishi — foto
- Turkiya va Suriyadagi kuchli zilzila: Vayronalar ostidan odamlar qidirilmoqda — fotoreportaj
- Turkiya va Suriyadagi zilzila nega halokatli oqibatlarga olib keldi?
- Oxirgi 100 yil ichida sodir bo‘lgan dunyodagi eng kuchli 10 ta zilzila (video, foto)
Izoh (0)