“Россия Украинада ҳарбий ҳаракатларни бошламади, аксинча уни тугатишга ҳаракат қилмоқда” — Путин

Россия президенти Владимир Путин авиация саноати вакиллари билан учрашувда Россия ҳеч қандай ҳарбий ҳаракатлар бошламагани, аксинча уларни тугатишга ҳаракат қилаётганини айтди. Бу ҳақда “ТАСС” хабар берди.

Путиннинг сўзларига кўра, Россия Украинада 2014 йилдан бери давом этаётган ҳарбий ҳаракатларни тугатишга ҳаракат қилмоқда.

“Мен яна бир бор айтмоқчиман: ҳеч қандай жанговар ҳаракатларни бошлаганимиз йўқ, уларни тугатишга ҳаракат қиляпмиз. Бу жанговар ҳаракатлар Украинадаги миллатчилар ва уларни қўллаб-қувватлаганлар томонидан 2014 йилда давлат тўнтариши амалга оширилганда бошланган. Ҳаммаси шундан бошланди, кейин Қрим ва Донбассдаги воқеалар давом этди”, — деди Россия президенти.

Путинга кўра, Киев 2014 йилда Донбассга қарши уруш бошлаган, барча келишув ва мажбуриятларни бузган ҳолда, Донбасс ҳудудларини деярли блокадага олган.

“Улар оғир ҳарбий техника ёрдамида ишлашни бошлади, бир неча бор йирик ҳарбий операцияларни амалга оширди. Ана ўшанда улар урушни бошлади. У ерда яшовчи ва Россия, рус маданияти ва рус тили билан алоқада бўлган одамларни йўқ қилиш саккиз йил давом этди. Қачонгача чидаш мумкин эди?” — деди у.

Мавзуга доир:

• Путин йўқотишларга қарамай, баҳорда Украинага қарши янги ҳужумни режалаштирмоқда — Bloomberg
• Путин узоқ давом этадиган урушга тайёрланмоқда — НАТО
• Путин Украинадаги “махсус операция”нинг янги мақсадини айтди (видео)